Главная > Siyasət > Son sorğulardan yenə Putin görünür
Son sorğulardan yenə Putin görünür13-03-2018, 13:10. |
Son sorğulardan yenə Putin görünürMartın 13-dən Rusiyada prezidentliyə namizədlərlə bağlı sorğulara yasaq qüvvəyə minib. Seçki qanununa görə, namizədlərin reytinqini göstərən sorğuları səsverməyə 5 gün qalmışadək dərc etmək olar.
Prezident seçkisi martın 18-də keçiriləcək. Novator.az bildirir ki, Ümumrusiya İctimai Rəyi Öyrənmə Mərkəzinin son seçkiqabağı sorğusunda respondentlərin 69%-i prezident Vladimir Putinə dəstək verib. Pavel Qrudinin (Kommunist Partiyası) 7%, Vladimir Jirinovski (Liberal Demokrat Partiyası) 5% nəticə göstərib. İctimai Rəy Mərkəzinin sorğusunda isə Vladimir Putin 64,9% səs alıb. Bu sorğuda Pavel Qrudinin 6,7%, Vladimir Jirinovski 6,2% səslə kifayətlənib. Prezident postu uğrunda Kseniya Sobçak (Vətəndaş Platforması Partiyası), Qriqori Yavlinski ("Yabloko” Partiyası), Sergey Baburin (Rusiya Ümumxalq İttifaqı Partiyası), Boris Titov (Yüksəliş Partiyası); Maksim Suraykin də (Rusiya Kommunistləri Partiyası) mübarizə aparır. Seçkiyə müstəqil namizəd kimi qatılan dövlət başçısı Vladimir Putin 2000-2008-ci illərdə prezident olub. 2008-ci ildən baş nazir postunu tutub. 2012-ci ildə yenidən prezident seçilib.
Вернуться назад |