Главная > Cəmiyyət > Borçalı Cəmiyyəti Novruz tonqalı ətrafında AFRİN mesajı verdi - FOTOLAR

Borçalı Cəmiyyəti Novruz tonqalı ətrafında AFRİN mesajı verdi - FOTOLAR


19-03-2018, 23:00.

         Borçalı Cəmiyyəti Novruz tonqalı ətrafında AFRİN mesajı verdi- FOTOLAR

 

Martın 19-da Borçalı Cəmiyyəti ofisinin həyətində Novruz şənliyi ilə eyni zamanda Afrində terrorizmə qarşı savaşan mehmetçiyə də dəstək aksiyasına start verilib.

 

"Cəmiyyət"in İH-nin qərarı ilə " Mehmetçik qardaşımdır, oğlumdur" devizi altında Afrində terrorizmə qarşı savaşan Türk əsgərinə maddi mənəvi yardım kampaniyasına başlanmışdır. Tədbiri giriş sözü ilə Borçalı Cəmiyyətinin sədri Zəlimxan Məmmədli açaraq xalqımızı və bütünlükdə Türk Dünyasını bayram münasibətilə, eləcə də Afrin zəfəri ilə bağlı təbrik etdi və aksiyanın əsasən memetçiyə mənəvi dəstək məqsədli olmasımı iştirakçıların diqqətinə çatdırdı.

 

Z.Məmmədli qardaş Türkiyənin bu günlər şərəf savaşı verməsini vurğulayaraq bu qələbələrin Qarabağda da baş verəcəyinə ümidvarlığını ifadə etdi. Bayram tədbirində professor Hacıbaba Əzimov, professor Telman Əliyev, şair Mədəd Coşğun, B.Britaniyada yaşayan soydaşımız İsa Türkoğlu və başqaları çıxış edərək millətimizin birlik və bərabərlik şüarlarını bildirdilər. Aşıq sənətinin görkəmli simaları Aşıq Tərmeyxan və Aşıq Cahangirin ifalarından sonra qara zurna sədaları altında Novruz tonqalı ətrafında Yallı gedildi.

 

 

Sonra Borçalı Cəmiyyətinin sədri Afrində terrorizmə qarşı savaşan mehmetçiyə mənəvi dəstək üçün Bakı şəhər 45 saylı orta məktəbin şagirdlərinin məktublarını tədbir iştirakçılarına təqdim etdi. Sonra iştirakçılar böyük həvəslə yardım kampaniyası qoşuldular.

 

Bayram şənliyi Novruz tonqalı ətrafında Cəngi sədaları ilə davam edib.

Afrində mehmetçiyə yardım kampaniyası aprelin 5-dək davam edəcək. Aksiyaya bütün soydaşlarımız qatıla bilər.

 


Вернуться назад