"Fənərbaxça" - "Beşiktaş" oyunu təxirə salındı-Azarkeşlər Şenol Günəşin başını yardılar
19-04-2018, 22:40.
"Fənərbaxça" - "Beşiktaş" oyunu təxirə
salındı-Azarkeşlər Şenol Günəşin başını yardılar
Türkiyə kubokunun yarımfinalında keçirilən "Fənərbaxça" - "Beşiktaş" cavab oyunu yarımçıq dayandırılıb.
Qol.az-ın məlumatına görə, buna matçın ikinci hissəsində baş verən hadisələr səbəb olub. Görüşün 56-cı dəqiqəsində hesab 0:0 ikən "Beşiktaş"ın ehtiyat qapıçısı Tolga Zenginlə "Fənərbaxça"lı azarkeşlər arasında mübahisə düşüb. Bu zaman "qara qartallar"ın baş məşqçisi Şenol Günəş vəziyyəti sakitləşdirməyə çalışıb. Həmin vaxt onun başına tribunadan yad əşya atılıb. Bundan sonra meydandan kənarda gərginlik yaşanıb. Baş verənlərə görə "Beşiktaş"ın baş məşqçisi və futbolçular paltardəyişmə otağına gedib.
Bundan sonra görüşün baş hakimi Mete Kalkavan oyunu yarımçıq dayandırıb və paltardəyişmə otağına gedib. Hakim briqadası baş verənlərə görə görüşün təxirə salınmasına qərar verib.
Qeyd edək ki, Ş.Günəşin başına 5 tikiş atıldığı bildirilir.
Вернуться назад