DÇ-2018: Final oyunu argentinalı referiyə tapşırılıb

                  DÇ-2018: Final oyunu argentinalı referiyə tapşırılıb

"Report"un FİFA-nın rəsmi saytına istinadən verdiyi məlumata görə, görüş argentinalı Nestor Pitanaya həvalə olunub. Ona həmyerliləri Ernan Maydana və Xuan Belatti yan xətt, hollandiyalı Byorn Kuypers dördüncü hakim qismində kömək edəcək. İyulun 15-də Moskvadakı "Lujniki" stadionunda təşkil olunacaq qarşılaşma Bakı vaxtı ilə saat 20:00-da başlanacaq.

Bundan bir gün əvvəl isə Sankt-Peterburqdakı eyniadlı stadionda Belçika və İngiltərə yığmaları arasında keçiriləcək görüş isə iranlı Alireza Faqaniyə tapşırılıb. Görüşə saat 19:00-da start veriləcək.

Qeyd edək ki, Nestor Pitanya Rusiyanın Səudiyyə Ərəbistanını 5:0 hesabı ilə yendiyi açılış oyununun da baş hakimi olub.