İtaliya polisi sağlı-sollu bütün ruspərəst radikalları həbs edir

                 İtaliya polisi sağlı-sollu bütün ruspərəst radikalları həbs edir

Bu yaxınlarda İtaliya karabinerlərinin (daxili qoşunlar) elit birliyi sayılan "Raggruppamento Operativo Speciale” (ROS-Xüsusi operativ bölük) müxtəlif radikal siyasi cərəyanlara mənsub şəxsləri həbs edib.

İspaniyanın "El Confidencial” qəzetinin yazarı İren Savionun verdiyi məlumata görə, bunların içində İtaliya ultrasağlarının keçmiş lideri, SSRİ-nin bərpasını arzulayan alban ultramillətçisi, İtaliyanın hakim "Liqa” partiyasının regional təşkilatının rəhbərinin oğlu belə var.

Müəllif bu şəxslərin Ukraynada döyüşmək üçün (Rusiyanın tərəfində) könüllü toplayan muzdlular qrupu tərəfindən yoldan çıxarıldğını yazır. Həmin qrupun İtaliya ərzisində xüsusi bazası olduğu da aşkar edilib.

Yazıda İtaliya hüquq-mühafizə orqanlarının əməliyyata hələ 2013-cü ildən start verdiyi qeyd olunub. Həmin vaxt ROS əməkdaşları Liquriya əyaləti və Vareze şəhəri arasında skinhedlərin qruplaşmasını müəyyən ediblər. Keçən həftə isə 6 nəfərin həbsinə sanksiya verilib. Bunlardan 3-ü - hərbiləşdirilmiş dəstənin üzvü Antonio Kataldo, alban Olsi Krutani və moldovalı Vladimir Verbiçii həbs olunub. Qalanları isə yerləri müəyyən olunmadığından beynəlxalq axtarışa verilib. Bunlar "Lucca 1988 qruplaşmasından, məşhur futbol xuliqanı Andrea Palmiyeri, istefada olan hərbçi, neofaşist Massimiliano Kavalleri və İtaliyanın yarıfaşist "Liqa” partiyasının Lombardiya əyalətinin Kayrate şəhər təşkilatına rəhbərlik edən Silvana Marinin oğlu Qabriele Karuqatidir.

Qabriele Karuqati Donbasda

Bəhs edilən qrup hansısa fond adı ilə guya Ukraynnın Donbas bölgəsinə humanitar yardım götürmək bəhanəsi ilə təşkil olunub.

"Məlum olub ki, radikal əhval-ruhiyyəli bu gənclərin hansı cərəyandan olması o qədər də əhəmiyyət daşımayıb. Həm sağdan, həm də soldan rus filosofu Aleksandr Duqinin ideyalarına meyl edən gənclər burada yoldan çıxarılıb”, - ROS polkovniki Luici İmperatore müəllifə söyləyib.

Aleksandr Duqin

Yazıda Duqinin Avrasiyaçılıq ideyalarının bu tip şəxslər üzərində böyük təsiri olduğu qeyd edilir.

Musavat.com