ABŞ-ın “Politico” saytı Putinin Trampa verdiyi təklifləri açıqlayıb

           ABŞ-ın "Politico” saytı Putinin Trampa verdiyi təklifləri açıqlayıb

Rusiyanın "Kommersant” qəzeti bu barədə ilk informasiyanın ABŞ-ın siyasət dairələrində populyar sayılan "Politico” saytında verildiyini xəbər edib.

Saytın bildirdiyinə görə, mətn V.Putinin şəxsən özü tərəfindən D.Trampa iki saattlıq görüş zamanı təqdim edilib.

"Politico”nu yazdığına görə, sənəd "Silahlanma üzərində nəzarət problemləri üzrə dialoq” adlanır.

Rusiya burada ABŞ-a nüvə silahının sayını azaldacaq "Strateji hücum silahları” haqqında sazişi daha 5 il uzatmağı təklif edib. Moskva həmçinin Vaşinqtona "Kosmosda nüvə silahının yerləşdirilməsindən imtina olunması” haqqında müqavilə bağlanmasını zəruri hesab etdiyini bildirib.

Bundan başqa, Vladimir Putin amerikalı həmkarına pozucu silah növlərinin müəyyən olunması üçün ekspert qrupunun yaradılmasını təklif edib. Rusiya tərəfi həmçinin iki ölkənin xarici siyasət və hərbi idarələrinin başçıları arasında daimi əsasda danışıqlar keçirilməsi barədə təşəbbüs irəli sürüb. Burada Avropada hərbi fəaliyyətin aparılması zamanı insidentlərin önlənməsi və hərbi sahədə şəffaflığın artırılması kimi təkliflər paketi öz əksini tapıb.

Ağ Ev hələlik sənədin həqiqiliyini təsdiq və ya inkar etməyib. Elə Kremldə də Putini təşəbbüsləri barədə informasiyaları şərh etməkdən boyun qaçırıblar.

Lakin sayt Vladimir Putinin Helsinkidə mətbuat konfransında söylədiyi sözləri xatırladıb. Burada Putin Moskvanın Vaşinqtona strateji sabitlik və kütləvi qırğın silahların yaylmasının qarşısının alınması ilə bağlı təkliflər verdiyini demişdi.//musavat.com