Misir piramidalarının sirri tapıldı —170 min ton
qaya süni kanalla gətirilib...
Misir piramidaları ilə bağlı çoxsaylı suallardan birinə cavab tapılıb.
Uluyol "Ölkə.Az"-a istinadən xəbər verir ki,
piramidaları inşa etmək üçün 170 min ton qaya süni kanal vasitəsilə gətirilib.
Qayaları insanın açdığı süni kanallarla qayıq vasitəsilə daşıyıblar.
Bu günə qədər alimlər piramidaları inşa etmək üçün qayaların necə gətirilməsi
ilə bağlı müxtəlif versiyalar səsləndiriblər. Məlum olub ki, 170 min ton qaya
Nil çayında salınan süni kanal vasitəsilə daşınıb. Bu barədə məlumat qədim dövrə
aid gündəliklər vasitəsilə ortaya çıxıb.
3 min il əvvələ aid gündəliyə əsasən 2.5 tonluq kirəc daşı və qranit bloklar
Nil çayı vasitəsilə taxta qayıqlarla piramidanın (söhbət məşhur Xeops
ehramından gedir-red.) inşa edildiyi əraziyə daşınıb. Qayıqlar iplə bir-birinə
bağlanıb. Qədim Misirin mühəndisləri isə Nilin sahilindəki bir limandan
piramidanın inşa edildiyi Gizzaya kanal açıblar.
Nəhəng daş bloklar bu kanal vasitəsilə 800 km-lik məsafədən əraziyə daşınıb. Bu
iş üçün minlərlə insan cəlb edilib. Ümumilikdə əraziyə 170 min ton daş daşınıb.
Arxeoloq Mark Lehner isə sözügedən kanalın layihəsini də tapdıqlarını qeyd
edib.