Millət vəkili Türk dünyasına çağırış etdi:
"Bir-birimizə hər zaman böyük dəstək olmalıyıq" - VİDEO
Türkiyədə Türk dünyası mədəniyyəti və ədəbiyyatı ilə bağlı keçirilən tədbirin
bağlanış mərasimində çıxış edən millət vəkili Q.Paşayeva minlərlə insan
qarşısında çıxış edərək Türk dünyasına Qarabağ, Kərkük, Ahıska, Bayırbucak
çağırışı edib. Q. Paşayeva Azərbaycan və Türkiyə bir millət iki dövlətdir deyərək
bu birliyin dosta da, düşmənə da bir mesaj olduğunu söyləyib.
O, Azərbaycan və qardaş Türkiyənin hər zaman güclü olması ən böyük diləyimizdir
deyib. Millət vəkili biz birlikdə Azərbaycan və Türkiyəyə qarşı terror hadisələri,
cinayətlər, işğallar həyata keçirənlərə qarşı mübarizəmizi daha da gücləndirməliyik,
gücləndiririk və inşallah onların ədalət qarşısında cavab vermələrinə də nail
olacağıq deyib. Millət vəkili Qənirə Paşayeva "100 il sonra yeni bir
Çanaqqaladan keçirik və inşallah dədələrimiz kimi biz də zəfər
qazanacağıq", - deyib. Q.Paşayeva dədələrimiz birlik və bərabərlik içində
bizə zəfərin yolunu göstərdi və yenə də birlik, bərabərliyimizi daha da gücləndirib
zəfər qazanacağıq deyib. O bildirib ki, bu gün Türkiyədə Türk dünyasının fərqli
bölgələrindən dəyərli aydınlarımızla birlikdə bu cür tədbirlərimizin keçirilməsi
çox önəmlidir, eyni zamanda dosta da düşmana da bir məsajdır deyərək
torpaqlarımızın işğaldan azad olunacağı günün də uzaq olmadığını vurğulayıb.
Bu gün Türk dünyasının müxtəlif
bölgələrində türk kökənli insanların yaşadığı ağrılardan, əziyyət çəkdiyi
problemlərdən danışan millət vəkili Qənirə Paşayeva güc birlikdədir və birlikdə
bizə qarşı ədalətsizliklərə qarşı daha güclü mübarizə apara bilərik deyib:”Bir
türk xalqının, toplumunun problemi, bütün türk xalqlarının ortaq problemidir.
Ona görə də Türk dünyasıyla bağlı məsələlərdə bir-birimizə hər zaman böyük dəstək
olmalıyıq. İnşallah yaxın zamanlarda belə tədbirləri birlik və bərabərlik içində
Ermənistanın işğalından azad edəcəyimiz Dağlıq Qarabağımızda və digər o gözəl
bölgələrimizdə də birlik və bərabərlik içində qeyd edək. İnanırıq ki, o gün
uzaqda deyil. Bütün Türk, müsəlman çoğrafiyasında yaşayan, bu gün acı və kədər
içində olan qardaş-bacılarımıza dəstək olmalıyıq və mən sizi bu gün Suriyada
Bayırbucakda, İraqda Təlafər, Kərkükdə, Krımda, Axısxada, Qarabağda, harada əziyyət
çəkən insanımız varsa onlara hər zaman əlinizdən gələn köməyi əsirgəməməyə
çağırıram. Allah insanımıza hər zaman hər yerdə yardımçı olsun”- deyərək bitirib.
Millət vəkili Q.Paşayeva tədbirdə özünün müəllifi olduğu "Böyük Azərbaycanım” və
"Türkiyəm” şeirini də səsləndirib.
Çıxışın bir hissəsinin videosuna bu linkdə baxa bilərsiniz.