Gürcüstan parlamentinin komitə sədri: "Marneulidə vəziyyət
süni şəkildə gərginləşdirilir"
Gürcüstanda azərbaycanlıların sıx yaşadığı Marneuli rayonunda səsvermə prosesi zamanı gərginlik yaşanıb.
APA-nın Gürcüstan bürosunun məlumatına əsasən, rayonun 58
saylı seçki məntəqəsində müxalif "Avropalı Gürcüstan” partiyası fəalının hakim
"Gürcü Arzusu” Partiyasının nümayəndələri tərəfindən fiziki təzyiqə məruz
qaldığı bildirilir.
Hadisə ilə bağlı "Avropalı Gürcüstan” partiyasının liderlərindən olan Giqa
Bokeriya Marneuliyə səfər edib. O, faktla bağlı Daxili İşlər Nazirliyinə müraciət
olunacağını bildirib.
Gürcüstan parlamentinin Hüquqi məsələlər üzrə komitə sədri Eka Beseliya da
Marneulidədir. Onun sözlərinə görə, rayonda vəziyyət süni olaraq gərginləşdirilir.
E.Beseliya müxalifəti seçicilərin səsvermə prosesində sakit mühitdə iştirak etməsinə
şərait yaratmağa çağırıb.