Almaniyada PKK tərəfdarlarının nümayişində polislə qarşıdurma olub, saxlanılanlar var
Almaniyanın Düsseldorf şəhərində
PKK tərəfdarlarının nümayişi polislə qarşıdurma ilə nəticələnib.
"Report" xəbər verir ki, bu barədə "Spiegel" jurnalı yazıb.
Qeyd olunur ki, nümayişçilər qadağaya baxmayaraq, aksiyaya PKK terror təşkilatının
rəhbəri Abdulla Öcalanın portreti ilə gəliblər. Polisin nümayəndəsinin
bildirdiyinə görə, hakimiyyət orqanları nümayişin başa şatdığını bildiriblər.
Bundan sonra terrorçuların tərəfdarları hüquq-mühafizə orqanlarının əməkdaşlarına
müxtəlif əşyalar atmağa başlayıblar. Polis buna cavab olaraq gözyaşardıcı
qazdan istifadə edib.
Qarşıdurma zamanı bir neçə nümayişçi saxlanılıb. Onların sayı barədə məlumat
verilmir.
Qeyd edək ki, PKK Türkiyə, Almaniya və Avropa
İttifaqı ölkələrində terror təşkilatı kimi tanınıb. Təşkilat uzun müddətdir
Türkiyənin dövlət orqanlarına, hərbçilərə və dinc sakinlərə qarşı terror
hücumları təşkil edir.
