Rəsmi Moskva: "Tərəflər Qarabağda gərginliyi azaltmaq üçün əlavə tədbirlər görməlidir"

 

Dağlıq Qarabağ münaqişəsi üzrə təmas xəttində baş verən hadisələrin təhqiqi istiqamətində əlavə tədbirlər görülməlidir.

Virtualaz.org "Sputnik”ə istinadən xəbər verir ki, bunu ATƏT-in Minsk Qrupunun həmsədrlərinin, ATƏT-in hazırkı prezidentinin şəxsi nümayəndəsinin və Yüksək Səviyyəli Planlaşdırma Qrupunun başçısının Vyanadakı çıxışlarına cavab olaraq ATƏT-in Daimi Şurasının iclasında Rusiyanın ATƏT-dəki daimi nümayəndəsi Aleksandr Lukaşeviç deyib.

Azərbaycan və Ermənistan prezidentlərinin Cenevrə görüşü Bakı və Yerevanla fəal əlaqə zamanı ATƏT-in Minsk Qrupunun həmsədrlərinin vasitəçilik səylərinin vacib nəticəsidir.

"Güman edirik ki, həmsədrlərin qarşıdakı əlaqələri bu köhnəlmiş münaqişənin tənzimlənməsinə əlavə impuls verəcək”, - Lukaşeviç deyib.

Onun sözlərinə görə, zirvə görüşünün nəticələrinə görə, tərəflərin danışıqlar prosesini intensivləşdirmək barədə razılığa gəlmələri xüsusi əhəmiyyətə malikdir. Bu tərəflər arasında etimadın daha da artırılmasına və tənzimlənmənin mahiyyətinə aid aspektlər üzrə güzəştlərə doğru hərəkətə xidmət edəcək.

Minsk Qrupunun həmsədrlərinin vasitəçilik missiyasının məhsuldarlığının zəruri şərti regionda sülhün və sabitliyin qorunub saxlanmasıdır.

"Tərəflər təmas xəttində gərginliyin azaldılması üçün əlavə tədbirlərin görülməsinə çalışmalıdır. Bu baxımdan ATƏT-in hazırkı prezidentinin şəxsi nümayəndəsinin ofisinin genişləndirilməsi alqoritminin regiondakı vəziyyətə nəzarət üzrə imkanların keyfiyyətcə artırılmasına imkan yaradacaq sxem əsasında tezliklə razılaşdırılmasına ümid edirik”, - o qeyd edib.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/domains/uluyol.info/public_html/index.php:300 Stack trace: #0 {main} thrown in /home/uluyol/domains/uluyol.info/public_html/index.php on line 300