Lənkəran İcra Hakimiyyətində "sular durulur” - gərginlik,
konflikt…
İcra başçısının "gün verib, işıq vermədiyi” xanım müavini
niyə və necə sıxışdırılır? - Pərdəarxası
Taleh Qaraşovun yeni "korrupsiya bulağı” və rəsmi saytda məmurların obyektlərinin
adlarını yerləşdirməsi reznans doğurub
Lənkəran Şəhər İcra Hakimiyyəti başçısının müavini Rasilə Əliyeva vəzifəsini
itirmək təhlükəsi ilə üzləşib.Əldə etdiyimiz məlumata görə, icra başçısı Taleh
Qaraşovun ona "gün verib, işıq vermədiyi”, normal fəaliyyətinə imkan
yaratmadığı deyilir.
Rasilə Əliyevanın günü qara
T.Qaraşovun məqsədinin nədən ibarət olduğu bilinməsə də, müavinini sıxışdırdığı
xəbər verilir. Onun 1-ci müavini Möhübbət Babayev isə R.Əliyevaya təzyiq göstərməkdə
əsas rıçaqlardan biridir. İddialara görə, məktəb müəlliməsi olan R.Əliyevanın
karyera yüksəlişi T.Qaraşovun istəyi ilə olmayıb. Onun bu posta təyinatında
kimlərin əli olubsa, bu amil icra başçısının xoşuna gəlmir. İddialara görə,
R.Əliyevanın 90 EG 800 seriyalı "Range Rover” alması T.Qaraşov tərəfindən hikkə
ilə qarşılanıb. Çünki ondan az əvvəl icra başçısına 10 UH 002 seriyalı eyni
model avtomobil hədiyyə edilib. Rasilə Əliyevanın gününü qara edən Taleh
Qaraşovun onu özünə tabe etdirməsi və itaətə gətirib çıxarması cəhdləri hələ
ki, baş tutmur. Əvəzində isə mətbuatda xanım müavindən gedən materiallar sözün
məcazi mənasında, başçının çörəyinə yağ çəkir. R.Əliyeva özü də anlamır ki,
ondan nə istənilir, nə tələ olunur. Amma bu o mənaya gəlmir ki, başçı müavini
rayonda öz istəklərini həyata keçirə bilmir. Başçının müavini - İctimai-siyasi
və humanitar məsələlər şöbəsinin müdiri Rasilə Əliyeva uşaq baxçalarına müdir təyinatını
həyata keçirir. Vurğulanır ki, uşaq baxçasına müdür təyinat 20 0000 AZN başa gəlir.
Əlbəttə ki, qoyulan məzənnə tək R.Əliyevanın deyil, birbaşa Lənkəran ŞİH
başçısı Taleh Qaraşovun bazarıdır. Görünür ki, onların son vaxtlar toqquşması
da məhz pulların bölüşdürülməsi üstündə olub. Mediada gedən yazılarda iddia
olunur ki, T. Qaraşovla birgə qəbul edən R. Əliyeva sanki başçı "rolunu”
oynayır. Məgər icra başçısı o qədərmi ixtiyarı əlindən verib? Bir vaxtlar 4
saylı orta məktəbdə adi müəllimə işləyən R. Əliyeva, bu gün obyektlər, mülklər əldə
etmək üçün lazımı imkanlar qazanıb. Hətta mediada o obyektin fotoları
yayımlanıb. Ancaq RİH kluarlarındakı vəziyyətin necə bitəcəyi müəmmalıdır.
Yeni pul çeşməsi
R.Əliyevanın əli çatmayan, T.Qaraşovun isə yeni korrupsiya bulağı olan
kanalizasiya sistemi təzə gəlir gətirir. Lənkəranda bineyi-qədimdən
kanalizasiya xətti olmayıb. Bu gün də yoxdur. Sabah da olacağına ümid verilmir.
Di gəl ki, 2013-cü ildən sonra şəhərdə kanalizasiya sistemi qurulmalıydı,
qurulmadı. Necə deyərlər, "it də getdi, ip də”. Yəni, ayrılan pullar da yoxa
çıxdı, kanalizasiya da… O vaxt prezident Lənkərana getmişdi. "Azərsu” ASC
prezidenti Qorxmaz Hüseynov, icra başçısı Taleh Qaraşov açılış mərasimində
iştirak eləmişdilər. İl 2013. Şəhərdə su və kanalizasiya sistemlərinin
qurulmasına pul ayrılıb. Əhalinin içməli su ilə təmin olunması reallaşsa da,
kanalizasiya xülyaya çevrilir. Əslində, Lənkəranda içməli su təchizatına ciddi
ehtiyac yox idi, yerli camaat təsdiqləyər ki, hər kəsin həyətində su quyuları
var. Amma insafən, Xanbulandan gələn təmiz su həyətlərə çəkilən su xətlərinə
verilməklə təqdirolunası təşəbbüs idi. Həmin dövrdə su ilə bərabər kanalizasiya
sisteminin qurulması üçün Lənkəranın yolları qazıb tökdülər. Şəhərdə nəqliyyatın
hərəkəti iflic oldu. Hətta başdan-ayağa qazılmış Lənkərandan görüntüləri mətbuatda
təqdim edilmişdi. Amma qazılıb tökülən, darmadağın edilən Lənkəran yollarını təzədən
torpaqlayıb işi saxladılar. Nə kanalizasiya sistemi quruldu, nə də yolların
asfaltı normal səviyyədə bərpa edildi. Eyni ərəfədə Masallıda da kanalizasiya
sistemləri qurulurdu. Bu cənub şəhərinin yolları da qazıq-qazıq olunmuşdu. Amma
kanalizasiya sistemi quruldu. Hətta Masallının icra başçısı Rafil Hüseynov
müsahibəsində demişdi ki, proses ağırdır, amma mümkündür. Lənkəranda isə müəmmalı
şəkildə kanalizasiya sisteminin qurulması işi "dəfn” olundu. Sonra camaat
arasında söz-söhbət yaydılar ki, Lənkəranın yollarını qazdıqdan sonra işin çətinliyini
görüb yarımçıq saxlayıblar. Yəni, əməlli-başlı tragikomediya…
2, 1 milyon nəyə gedəcək?
Prezidentin ayırdığı pulların hara sərf olunduğu barədə hesabat da verilmədi. Dəfələrlə
media Lənkəranın kanalizasiya problemini qabartsa da, 4 il keçməsinə
baxmayaraq, sərəncam toz basmış rəflərdən birindədir. Yeri gəlmişkən, bu bölgə
Azərbaycanda ən çox yağıntı düşən ərazidir. Hər il payız gələndən fasiləsiz
olaraq yağış yağır, həyətləri su basır və təbiətin şıltaqlığı ilə müvafiq
qurumların oyunu insanlara məşəqqət yaşadır. Məsələn, elə ARB-nin ötən ay
hazırladığı sujetdə Lənkəran sakinləri şikayət edirlər. Şəhərin mərkəzi küçələrində
yığılıb qalan, həyətlərə dolan yağış suları sakinlər üçün çətinliklər yaradıb.
Bəzi evləri su basıb. Zərərçəkən Qədir Əliyev deyib ki, evinin zirzəmisi su ilə
dolub. Fərəcullah Rəhimov isə bildirib ki, yağış nəticəsində körpülər bağlanıb,
kanallar daşıb: "Kanalizasiya sistemi olsa biz belə əziyyət çəkmərik”. Ən nəhayət,
bütün bunlardan sonra oktyabrın 24-də prezident Lənkəran şəhərinin su təchizatı
və kanalizasiya sistemlərinin yenidən qurulması layihəsinin davam etdirilməsi ilə
bağlı sərəncam imzalayıb. Bu barədə Prezidentin mətbuat xidməti məlumat yayıb.Sərəncamda
deyilir ki, şəhərin su təchizatı və kanalizasiya sistemlərinin yenidən
qurulması layihəsinin növbəti mərhələsində diametri 110 mm, uzunluğu 11 km olan
paylayıcı su şəbəkəsinin, habelə görülmüş işlər nəticəsində sökülmüş 13000
kvadratmetr asfalt örtüyünün bərpası zərurəti yaranıb. Bu məqsədlə "Azərsu”
Açıq Səhmdar Cəmiyyətinə 2,1 milyon manat ayrılıb. Maraqlıdır ki, 2010, 2011,
2012 və 2013-cü illəri əhatə edən tender məlumatlarında həmin layihəyə nə qədər
vəsaitin ayrılması, layihəni hansı şirkətin reallaşdırılması ilə bağlı hər
hansı məlumat yoxdur. O pullar görünür ki, getdi, bundan sonra yeni sərəncamın
necə icra olunacağını və 2,1 milyonun həqiqətən sərf ediləcəyini gözləmək lazım
gəlir…
RİH-nin saytında məmurların obyektləri
T.Qaraşov Lənkəran üçün heç bir iş görməyib. Yerli sakinlər Süleyman Mikayılovu
ondan daha yaxşı xidmət etdiyi fikrindədirlər. RİH-nin saytında isə şişirdilmiş
xəbərlər yerləşdirilib. Guya bu obyektlər Lənkəranda inkişafa səbəb olub. Rəsmi
saytda qeyd olunub ki, rayonda turizm infrastrukturu xeyli yaxşılaşdırılıb.
"Qafqaz sahil” oteli, "Xəzər Palace”, "Bəşəru”, "Palıdlı sahil”, "Xan Lənkəran”,
"Palmalife”, "Dörd fəsil”, "Starway”, "Şah” və "Əzizə” xidmət və istirahət mərkəzləri
il ərzində minlərlə yerli sakinə və xarici turistə xidmət göstərir. "Qafqaz
sahil” oteli oiqarxlaşmış general-nazirin, "Xəzər Palace” DYP-də nömrə satışını
həyata keçirən Müşviq Rəhimov, "Palıdlı sahil” deputat Hadı Rəcəblinin obyektləridir.
Heç bir halda rayonda müstəqil sahibkar yoxdur və inkişaf getmir.Digərləri -
Şah” və "Əzizə” şadlıq evləridirlər. Onu da Gərmətük kəndindən olan ə Rusiyada
bizneslə məşğul olan adamlar tikdirib. RİH-nin rəsmi saytda bu məlumatları rayonun
inkişafı və Qaraşovun dövründə hansısa tərəqqi kimi təqdim eləməsi absurddur.
Qeyd edilib ki, "Qafqaz” otelinin, Lənkəran İsti su və sağlamlıq mərkəzinin
tikintisi sürətlə davam etdirilir. İsti su uzun illərdir ki, bağlanıb və yüksək
çinli məmur elitası tərəfindən özəlləşdirilib. Regional Boks Mərkəzi, "Zirvə”
İdman klubu pullu xidmətdədir. Olimpiya İdman Kompleksinin tikintisi davam
etdirilir. Köhnəsini sökdülər və böyük pullar batdı, silində, mənimsənildi.
İndi də təzəsinin tikintisi məmurları varlandırır.
3.2 milyonluq maxinasiya
Bundan başqa, yeyinti məsələsində Lənkəran şəhər İcra Hakimiyyətinin sifarişi
ilə "Lənkəran Yol Tikinti” Açıq Səhmdar Cəmiyyətinin həyata keçirdiyi işlər
olub. Məlumata görə, Nicat Bağırovun rəhbərlik etdiyi "Lənkəran Yol Tikinti”
ASC-i Lənkəran şəhər İcra Hakimiyyətinin sifarişi ilə həyata keçirilən Aşağı
Nüvədi-Kənarmeşə-Şürük avtomobil yolunun tikinti üzrə tenderin qalibi olub. Təxminən
3.2 milyon manat smeta dəyəri olan Aşağı Nüvədi-Kənarmeşə-Şürük avtomobil
yolunun tikintisinin keyfiyyəti bu əməliyyatda qaranlıq məqamlar olduğunu
düşünməyə əsas verir. Çox maraqlıdır ki, "Lənkəran Yol Tikiniti” ASC-nin təxminən
3 milyon manat büdcə pullarının sərf etdiyi Lənkəran şəhərin daxili avtomobil
yollarının keyfiyyəti qane edici deyil. Görünür ASC sədri Nicat Bağırovla icra
başçısı Taleh Qaraşov asanlıqla anlaşdığı üçün 6.2 milyon manatdan artıq büdcə
vəsaitinin sərf olunduğu işlər "Lənkəran Yol Tikinti” ASC-yə həvalə olunub. Məlumata
görə, araşdırmalar bu əməliyyatlarda tikinti işləri zamanı smeta xərclərinin
şişirdilməsi məlum olub. Son bir ildə Taleh Qaraşovdan Prezident
Adminstrasiyasına olunan şikayətlərin faizi ötən illərlə müqayisədə daha
çoxdur. Bu isə onun göstəricisidir ki, Lənkəranda əhali narazı salınıb. Təbii
ki, belə hallar ölkə rəhbərliyi tərəfindən yaxşı qarşılanmır. Ola bilsin ki,
Taleh Qaraşov yaxın bir ayda Lənkəran RİH-dən uzaqlaşdırılsın. RİH-nin
mövqeyini dərc etməyə hazırıq.//gundemxeber
Ulu Yol Xəbər portalı » Araşdırma » Lənkəran İcra Hakimiyyətində “sular durulur” - gərginlik, konflikt…
Xəbər lentİ
Yazarlar
Müstəmləkə cinayətlərinə rəğmən müstəqillik əzmini itirməyən Əlcəzair - TƏHLİL
/
1-11-2022, 21:12
/