Bəxtəvər olsun başın, bəxtimiz oğlan imiş
Arvad, nəsil kökümüz dəqiq müsəlman imiş
Bəxtəvər olsun başın, bəxtimiz oğlan imiş
Bizlər yalan satmışıq, özümüz özümüzə
Nankorlar rişxənd edib, həqiqi sözümüzə
Həmişə dələduzlar, dayanıb üzümüzə
Gördükləri işlərin, hamısı üsyan imiş
Bəxtəvər olsun başın, bəxtimiz oğlan imiş
Uşaq-muşaq qanmayıb, heç yerdə böyük-kiçik
Odur ki, vətənindən, çoxları düşüb incik
Bəlkə bizə göz dəyib, yandıraq bir üzərlik
Üstümüzə xox edən, sən demə xortdan imiş
Bəxtəvər olsun başın, bəxtimiz oğlan imiş
Dillərdən, ağızlardan, düşməyirdik son zaman
Onlarda qalmamışdır, namus, qeyrət, nə vicdan
Xeyli sayda çoxalmış, daxili qara dovşan
Bizləri parçalayan, bir başa aslant imiş
Bəxtəvər olsun başın, bəxtimiz oğlan imiş
Əlbəttə ki, hamımız diqqətli olmalıyıq
Bir yerə çəkic vurub, qüvvətli olmalıyıq
Keçmişə nəzər salıb, qeyrətli olmalıyıq
Torpaq əldən gedibdir, üstəlik talan imiş
Bəxtəvər olsun başın, bəxtimiz oğlan imiş
Hamımız bilməliyik, xalqı incitmək olmaz
Bu torpağa, dövlətə, xəyanət etmək olmaz
Millətin xatirinə, səhv yolla getmək olmaz
Məmurların bir qismi, bir əfi ilan imiş
Bəxtəvər olsun başın, bəxtimiz oğlan imiş
Dinləməyi bacaraq, eşidək camaatı
Hər şeyi tənzimləyib, verməyək ehtiyatı
Maşallah hələ çoxdur, dövrümüzün fanatı
Söz aparıb gətirən, gizlində cırtdan imiş
Bəxtəvər olsun başın, bəxtimiz oğlan imiş
Həyatda itirməyək, halal nemət, çörəyi
Əbədi yaşadığın, xoş arzu, xoş diləyi
Yüksəklərə qaldıraq, şan-şöhrəti, əməyi
Ədaləti pozmayın, bu bəla tufan imiş
Tutduqları əməllər, necə də qan-qan imiş
Bəxtəvər olsun başın, bəxtimiz oğlan imiş
Gözəlləşib Gəncə çayı
Gəncə çayı saf, müqəddəs
Aldığımız, azad nəfəs
Ürəklərdə, coşqun, həvəs
Şaqraq səsli, hay-harayı
Gözəlləşib, Gəncə çayı
Görünüşü, əsrarəngiz
Canımız tək, doğma, əziz
Suyu şəffaf, ruhu təmiz
Seyrangahdı, qışı-yayı
Gözəlləşib, Gəncə çayı
Göz oxşayır, səhər-səhər
Sevincindən, gülür şəhər
Sabahımız, xeyir-bəhər
Paklıq rəmzi, ağ qağayı
Gözəlləşib, Gəncə çayı
Axşamları, çox ecazkar
Əsir sərin, meh, gilavar
Öz sehrli, aləmi var
Bu gün yoxdur, onun tayı
Gözəlləşib, Gəncə çayı
Yaraşıqdı, Gəncəmizə
Nur paylayır, gecəmizə
Həyat verir, öncə bizə
Ömrümüzün, tanrı payı
Gözəlləşib, Gəncə çayı
Gəldi xoş gün, bu xoş zaman
Gəzişirlər, qoca, cavan
Fərəhlənir, baxıb, insan
Salamlayır, günəş, ayı
Gözəlləşib, Gəncə çayı
İlham deyir, sözü gerçək
Mənzərəsi, necə göyçək
Sahil boyu, çəmən, çiçək
Sevənlərin, artıb sayı
Gözəlləşib, Gəncə çayı
Gözəlləşib, Gəncə çayı
Atamın yanına köçdü anam da
Anam dünyasını, dəyişən zaman
Mən onda bildim ki, yetimlik nədir
O varlıq gözümdən, getməyir bir an
Həyat özlüyündə puç, əfsanədir
Anamı itirdim, qəfildən Allah!
Söndü çırağımın, sönməz işığı
Anamı itirdim, həmin gün vallah
Getdi evimizin, yar-yaraşığı
Anam da qovuşdu, əbədiyyətə
Ömrümü anasız sürəcəyəm mən
Yalnız inanıram, bir həqiqətə
Nə vaxtsa anamı görəcəyəm mən
Qəlbimi göynətdi, son dəfə səsi
Titrək danışığı, qulağımdadır
Başımın üstündə, ilıq nəfəsi
Ruhu daim mənim ocağımdadır
Anama ana yox, "bacı” deyirdik
Təkcə adı bizə, şan-şöhrət idi
Ona başımızın, tacı deyirdik
Anam bizdən ötrü, var-dövlət idi
Bəlkə də, atam da, darıxıb deyə
Atam seçən yolu, seçdi anam da
Təsəllim odur ki, ancaq bir şeyə
Atamın yanına köçdü anam da
Nəzərdə tutmuşam, qoyum adını
Özünün gələcək nəticəsinə
Bununla da, alım, şirin dadını
Baxıb o körpənin əyləncəsinə
Ana müqəddəsdir, ana əzizdir
Hər ana çöhrəsi, açır səmada
Ana mələklər tək, pakdır, təmizdir
Analar ölməyir, uçur səmada
Sənin gözlərinə baxa bilmirəm
Gözlərin olduqca çox ecazkardır
Sənin gözlərinə baxa bilmirəm
Sanki o gözlərdə möcüzə vardır
Sənin gözlərinə baxa bilmirəm
Məni o gözlərin məftun eyləyib
Özümdən xəbərsiz məcnun eyləyib
Səməd Vurğun kimi vurğun eyləyib
Sənin gözlərinə baxa bilmirəm
O gözlər qəlbimi, yandırıb yaxır
Elə bil içimdən ildırım çaxır
Onsuz biləcəksən sən əzəl-axır
Sənin gözlərinə baxa bilmirəm
Axı nə danışım, axı nə deyim
Hələ tükənməzdir, arzu-diləyim
Başlıcası odur, dözmür ürəyim
Sənin gözlərinə baxa bilmirəm
Son vaxtlar sarsıntı məni çox sıxıb
Artıq hədəqədən o gözlər çıxıb
İlhamın öz adı yadından çıxıb
Sənin gözlərinə baxa bilmirəm
Sənin gözlərinə baxa bilmirəm
İlham Musaoğlu, şair
Uluyol.az
