"Qızıl buts” Messiyə qismət oldu
Argentina yığmasının və İspaniyanın "Barselona” klubunun futbolçusu Lionel Messi "Qızıl buts” mükafatına layiq görülüb.
Rekord.az xəbər verir ki, 30 yaşlı forvard buna 2016/17 mövsümündə La Liqada 34 oyuna 37 qol vurmaqla nail olub. Mükafat ulduz futbolçuya bu gün təqdim olunub. "Qızıl buts”u ona ötən mövsüm bu mükafatı qazanmış komanda yoldaşı Luis Suares təqdim edib.
Bu, Messinin 4-cü "Qızıl buts”u olub. Argentinalı forvard daha əvvəl 2009/10 (34 qol), 2011/12 (50) və 2012/13 (46) mövsümlərində bu mükafatı qazanıb.
