"Roma” – "Qarabağ” matçının hakimləri açıqlandı
Çempionlar Liqasının qrup mərhələsi çərçivəsində keçiriləcək "Roma” – "Qarabağ” matçının hakimləri açıqlanıb.
Yenicag.az xəbər verir ki, İtaliyada baş tutacaq oyunun baş hakimi almaniyalı Tobias Stilier olacaq. Ona bu işdə yan xətt hakimləri Mayk Pikel və Yan Seydel kömək edəcəklər. Əlavə köməkçi hakimlər isə Bastian Dankert və Harm Osmers olacaqlar. Matçın ehtiyat hakimi Kristian Cittelmann təyin olunub.
Qeyd edək ki, sözügedən qarşılaşma dekabrın 5-i, saat 23:45-də start götürəcək.
