İslam dünyasına çağırış:Qüds üçün təcili toplanın!
Fələstin Xarici İşlər naziri Riyad Maliki Ərəb Dövlətləri Liqası və İslam Əməkdaşlıq Təşkilatına təcili toplanmaqla bağlı çağırış edib.
Axar.az xəbər verir ki, nazir hər iki təşkilatın Qüds üçün toplanmalı olduğunu bildirib.
O, sözügedən təşkilatların rəsmiləri ilə söhbəti zamanı Qüdsün İsrailin əbədi paytaxtı olması məsələsinin son günlərdə gündəmdə olmasından xeyli narahatlıq duyduğunu deyib. Maliki Fars körfəzi ölkələrinin əməkdaşlıq şurasının rəsmiləri ilə də məsələni müzakirə edəcəyini vurğulayıb.
Qeyd edək ki, son vaxtlar Trampın Qüdsü İsrailin paytaxtı kimi tanımağa, daha sonra isə ABŞ səfirliyini buraya köçürməyə hazırlaşması haqda xəbərlər yayılıb.
