Kiyevdə baş verən toqquşmalarda Ukrayna milli qvardiyasının 60 əməkdaşı xəsarət alıb
Kiyevdə Gürcüstanın sabiq prezidenti və Odessa vilayətinin keçmiş qubernatoru Mixeil Saakaşvilinin tərəfdarları ilə baş verən toqquşamalar nəticəsində Ukrayna milli qvardiyasının 60 əməkdaşı xəsarət alıb. İlkin yardım göstəriləndən sonra 45 nəfər öz vəzifə borclarını yerinə yetirmək üçün yenidən ordu sıralarına dönüb. Daha 15 nəfər isə müxtəlif bədən xəsarətləri və mənşəyi bilinməyən maddədən zəhərlənərək xəstəxanaya yerləşdiriliblər.
Xatırladaq ki, ötən gün prezident Pyotr Poroşenkonu istefaya çağıran sayca üçüncü "İmpiçment marşı"nda Mixeil Saakaşvlinin bir neçə min tərəfdarı iştirak edirdi.
