Şəhidimizin mesajı-"Allah bizə Şəhidliyi layiq bilsin İnşaallah"- FOTOLAR
Ermənistan silahlı qüvvələrinin atəşkəs rejiminin kobud surətdə pozulması nəticəsində düşmənlə atışmada Azərbaycan Ordusunun hərbi qulluqçusu əsgər Mənəfov İbrahim Möhsüm oğlu şəhid olub.
Şəhid Mənəfov İbrahim Möhsüm oğlu 1995-ci il martın 31-də Neftçala rayonunda anadan olub.Neftçala rayon N.Gənvəvi adına 3 saylı orta məktəbindən məzun olub, Aviasiya Akademiyasına qəbul olmuşdu. Şəhidimiz sosial şəbəkə hesablarında belə bir aylaşım etmişdi:"Müharibə
qaçılmazdır.Hər bir Azərbaycan vətəndaşınında borcudur...Bu borcu özümə
Qarabağı eşidəndən bilmişəm və borcumu mütləq qaytarmalıyam.Allah bizi Şəhidliyə
Layiq bilsin İnşaallah". Digər bir paylaşımında isə,"Başımız
sağ olsun.Allah Şəhidlərimə rəhmət , düşmənlərimizə lənət eləsin.Amin!”.
Uluyol.az-ın Neftçalaya ezam olunan əməkdaşı bildirir ki, gecə saatları olmasına baxmayaraq, şəhidin ata yurduna maşın karvanları gəlməkdədir. Artıq yas mərasimin keçirilməsi üçün avadanlıqlar qurulur. Şəhidin ailəsindən qardaşı ilə rastlaşırıq.Öyrənirik ki, 15 gündür ki, hərbi xidmətdən qayıdıb. Yaşadığı hissləri nəzərə alıb heç nə sual edə bilmədik. Saat 00:44 şəhidimizin yolunu gözləyən insanlar artıq Mərkəzi Cümə məscidinə tərəf üz tuturlar. Şəhidimiz nəşi səhər saatlarına Neftçala rayonuna çatacağı deyilir.
Şəhid Mənəfov İbrahim Möhsüm oğlu sabah (20 yanvar) Neftçala rayonu Bankə qəbiristanlığında dəfn olunacaq. Dəfn saatı dəqiqləşdikdə məlumat verəcik.
Uluyol.az kollektivi Bütöv Azərbaycan amalı ilə yaşayan insanlara başsağlığı verir, səbr diləyir.İlahi ədalət deyilən bu olsun, gərək. 31 mart-Dünya Azərbaycanlılarının soyqırımı günü dünyaya gəldi, 19-20 Yanvar gəldiyi dünyadan Şəhidlik məqamı ilə xudahafizləşdi.
Qurani- Kərimdə Bəqərə surəsinin 154-cü ayəsində deyilir: "Allah yolunda öldürülənlərə (şəhid olanlara)
"ölü" deməyin. Əksinə, onlar (Allah dərgahında) diridirlər, lakin siz
bunu dərk etmirsiniz".
Şəhidimizin ata yurdundan və kollektivimizin topladığı fotoları təqdim edirik:
Uluyol.az
ULUYOL.AZ