Bu gün Azərbaycanın Milli Qəhrəmanı Yusif Mirzəyevin şəhid olduğu gündür
Bu gün Azərbaycanın Milli Qəhrəmanı Yusif Mirzəyevin şəhid olduğu gündür
Qaziler.az bildirir ki, Yusif Mirzəyev 19 fevral,
1993-cü ildə Ağdərə rayonu uğrunda gedən döyüşdə şəhid olub.
O, 1958-ci il 23 may Babək rayonunun Böyükdüz kəndində anadan olmuşdur. 1975-ci
ildə İ.Səfərli adına 1 saylı məktəbi bitirmişdir. 1988-ci illərdə Xalq Hərəkatına
qoşulub.
Yusif Mirzəyev 1993-cü il 19 fevralda Ağdərədə gedən qanlı döyüşlərdə mühasirəyə
düşmüş döyüşçüləri xilas edərkən qəhrəmancasına həlak olub.
Azərbaycan Respublikası prezidentinin 27 mart 1993-cü il tarixli 495 saylı fərmanı
ilə Mirzəyev Yusif Vəli oğluna ölümündən sonra "Azərbaycanın Milli Qəhrəmanı"
adı verilib.
Milli Qəhrəman Naxçıvan şəhərinin Şəhidlər xiyabanında dəfn edilib.