Bolqarıstanın energetika naziri istefa verib   

 

Bolqarıstanın energetika naziri Temenujka Petkova istefa verib.

"Report"un Şərqi Avropa bürosu xəbər verir ki, buna səbəb ölkənin iri enerjipaylayıcı şirkəti olan "CEZ”in səhmlərinin xanım nazirin yaxın tanışı olan "İnerkom Bolqarıstan” şirkəti tərəfindən alınması olub.

"Mən bu insanları 20 ildir ki, tanıyıram. Aramızda olan münasibətlərin şərhə və ya hər hansı bir şübhənin yaranmasına səbəb olacaq əsaslara yol verməmək məqsədilə, baş nazirlə danışıb istefa verməyi qərara almışam", - deyə xanım nazir bildirib. O, əlavə edib ki, alıcının seçim proseduru Çexiya Respublikasının qanunvericiliyinə uyğun olaraq həyata keçirilib və bu da sövdələşmədə Bolqarıstan tərəfinin müdaxiləsinə şübhə yaratmır.

Hazırda Belçikada səfərdə olan baş nazir Boyko Borisov məsələyə münasibət bildirərək deyib ki, ölkədə hökumətin nüfuzuna xələl gətirə biləcək istənilən təsirin qarşısını almaq məqsədilə energetika nazirinin istefasını qəbul edəcək.

Xatırladaq ki, Çexiya Respublikasının "ÇEZ" şirkəti aktivlərinin "İnterkom Bolqarıstan" tərəfindən alınması ilə bağlı təqribən 320 milyona avro dəyərində sövdələşmə imzalayıblar. Bolqarıstanın qərbində 2 milyon abonentə xidmət göstərən "CEZ" ölkədə ən böyük enerjipaylayıcı şirkətdir.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300