Neftçalada vətəndaşın mülki ələ keçirildi - Rayon İcra başçısı cavabdehlə əlbirdir

 

 

Neftçala rayonu Xıllı qəsəbəsində yerləşən 34 saylı mağazanı Neftçala rayon yaşıllaşdırma idarəsinin direktoru Miryaqub Mehdi oğlu Miriyev hərəkatçı Xalid Fərəcovun əlindən qeyri-qanuni yollarla alıb.

 

Yenicag.az xəbər verir ki, Xalid Fərəcov 34 saylı mağazanı 1987-ci ildə özü tikdirib və ilk işlədəni də o olub. 1989-cu ildə hərəkatçı olduğu üçün mağaza Neftçala rayon prokurorluğu tərəfindən bağlanıb. 1992-ci ildən Xalid Fərəcov mağazanı özü işlətməyə başlayıb. 1994-cü ildə mağaza lisenziyalaşma ilə bağlı dövlət tərəfindən fəaliyyətini dayandırıb. Son ödəməsi 245 min 61 manat 50 qəpik olub.

Xalid Fərəcovun sözlərinə görə, Mehdi Miriyev saxta sənədlər düzəldərək, mağazanı özəlləşdirib:

"Qanunda var ki, əgər bir obyekt özəlləşdirilərsə, onu sonuncu işlədən şəxsə təklif etmək lazımdır. Əgər mən imtina edərəmsə, başqa bir şəxs o obyekti özəlləşdirə bilər. Ancaq Mehdi Miriyev saxta sənədlər düzəldərək, obyektimi ələ keçirib. Bununla bağlı dəfələrlə dövlət orqanlarına, məhkəmələrə müraciət etmişəm, heç bir nəticəsi də olmayıb. Mehdi Miriyevin rayon rəhbərliyi ilə olan yaxşı əlaqəsi məhkəmə qərarına təsir göstərir”.

Xalid Fərəcov bəy nəslindən olduğunu deyərək, 1980-ci illərdən Azərbaycanın müstəqilliyi uğrunda hərəkata qoşulduğunu bildirib:

"Sovet hakimiyyəti atamı bəy nəslindən olduğu üçün həbs etmişdi. O vaxt ailə üzvlərimizlə birlikdə Moskvaya yola düşdük. Olanları görəndə 12 yaşım vardı. Azərbaycanın müstəqilliyi üçün dualar edirdim. Şükürlər olsun ki, ölkəmiz azaddır. Ancaq bu azadlığa ləkə salan neçə-neçə məmur var ki, zamanında meydanlarda qanı ilə, canı ilə müstəqilliyi əldə edənlərə Sovetin repressiyasından da kəskin münasibətlə yanaşır, o insanları təqib edirlər. Azərbaycanın müstəqilliyi üçün keçirilən referendum zamanı mən qanımla imza atmışam. Oğlum 20 yanvar hadisələrində qorxudan qan xərçənginə tutuldu, sonra da dünyasını dəyişdi. Ancaq məhkəmələr bu vətən üçün hər şeyindən keçən adamı indi süründürür”.

Aidiyyatı olan və olmayan bütün qurumlara müraciət etdiyini deyən şikayətçinin sözlərinə görə, məhkəmələr gerçəkləri yox, saxta sənədləri qəbul edir:

"Neftçala Rayon Məhkəməsinə müraciət etdim. Uzun çəkişmələrdən sonra Neftçala Rayon Məhkəməsi əleyhimə qərar çıxartdı. Məhkəmənin qərarından Şirvan Apellyasiya Məhkəməsinə müraciət etdim. Yenə get-gəllər və sonda Neftçala Rayon Məhkəməsinin qərarını qüvvədə saxladı. Hazırda Şirvan Apellyasiya məhkəməsinin qərarından Ali Məhkəməyə müraciət etmişəm. Təsəvvür edin, qanunu bilən, bu vətən üçün hər cür zillətlər görən birini bu qədər süründürürlərsə, görün digər vətəndaşlar nələr çəkir”.

Sonda Xalid Fərəcov qeyd edib ki, bütün varlığı ilə bu haqsızlığa qarşı vuruşacaq, haqqını alana qədər mübarizə aparacaq.

Səxavət Məmməd, yenicag.az

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300