Dünən- 4 aprel tarixində Neftçalada Aprel şəhidlərinin ikinci ildönümü ilə bağlı tədbir keçirilib. Tədbir Neftçala rayou Aşağı Qaramanlı kəndində kənd sakini olmuş Xüsusi Təyinatlı Qüvvələrin giziri şəhid Elimdar Səfərovun ikinci ildönümü ilə bağlı bütün Aprel şəhidləri, I Qarabağ müharibəsinin, eləcədə 1990-ci il Yanvar qırğınlarında həlak olmuş vətən təəssübkeşlərinin xatirəsinə təşkil edilib.

Xatırladaq ki, gizir şəhidimiz Elimdar Səfərovun xatirəsinə tikilmiş Şəhidlər Parkı keçən ilin iyun ayında şəhidin ad günündə açılışı edilib. Parkın üzərində yazıldığı kimi "Hər şey Vətən üçün!" deyib, yola düzələn Şəhidin ailəsi və vətənsevər insanların əməyi nəticəsində Azərbaycanımıza yayılacaq nümunə yaradılıb.

Şəhidlərimizin adına ehsan süfrəsi açılıb, Şəhidər Parkı ilə üzbəüz qəbiristanlıqdakı Şəhidlər Xiyabanı ziyarət olunub və 16:00-da tədbir başlayıb. Tədbirdə Aprel döyüşlərinin iştirakçıları, qazilər, şəhid ailələri, dövlət nümayəndələri və QHT-lər, ictimai fəallar, ziyalılar, məktəblilərin hazırladığı kompozisiya nümayiş olunub.

Uluyol.az tədbirdən fotoları təqdim edir: