Nazir Hüseyn Bağırovun görmədiyi İŞBAZLARIN biznesi ekoloji fəlakət yaradıb – VİDEO + FOTOLAR
Vətəndaşların evləri uçmaq təhlükəsi ilə üzləşib. Beləki,
Bakı şəhəri, Binəqədi rayonu ərazisində yerləşən Goradil bağları ərazisində
yaşayan sakinlər Azadsoz.info – ya müraciət edərək rast olduqları ekoloji fəlakətdən
yazıblar. Saytın ərazidə olan əməkdaşlarına məlum olub ki, yaranmış fəlakət təbiətin
qanunauyğunluğu deyilmiş. İşbazlar tərəfindən Goradil bağlarının torpaq və qum
örtüyü hər gün maşınlarla Sumqayıtda yerləşən Yeni İnşaat bazarına və digər ərazilərdə
xüsusi satış yerlərinə daşınır. Orda yığılan qum və torpağın satışını özünü
Tural kimi qələmə verən şəxs həyata keçirir. Sakinlər qeyd edir ki, bu şəxs hər
gecə 10 MM 993 dövlət nömrə nişanlı avtomobillə əraziyə gəlir və bundan sonra
yük maşınları işə başlayır. "Kamaz” markalı maşınların bəzilərinin dövlət nömrələri
əməkdaşımız qeydə alıb – 90 BM 046, 90 MR 079, 99 MR 075
Onu da qeyd edək ki, yalançı adı Tural olan bu şəxsə Sumqayıtda cinayət işi
qaldırılıb və məsuliyyətə cəlb olunub. Hadisənin oğurluq üstündə baş verdiyi və
işbaza şərti iş kəsildiyi qeyd olunur.
Azadsoz.info –ya müraciət edən vətəndaşların narahatçılığı əsassız deyil. Evlərinin
qonşuluğunda hektara yaxın ərazinin 5 metr dərinlikdə qazılması yaranmış təhlükənin
gerçək üzüdür. Evlərin uçmaq təhlükəsi ilə üzləşməsi sakinlərin həyatına ciddi
təhlükə yaradıb.
Ərazidə müşahidə aparan saytımızın əməkdaşı ekoloji fəlakətlə bağlı video və
fotolar çəkib. Lakin Ekologiya və Təbii Sərvətlər nazirliyinin Goradil
bağlarında baş verənlərə laqeyd münasibəti bizim narahatçılığımıza səbəb oldu.
Vətəndaşlar dəfələrlə nazirliyin Bakı Ərazi idarəsinə müraciət ediblər. İdarədən
bildiriblər ki, torpaqların daşınması və istismar edilməsinə nəzarəti Ekologiya
və Təbii Sərvətlər nazirliyi həyata keçirir. Belə ki, nazirliyin müvafiq şöbəsi
olduğu üçün Ərazi idarələrinin ekologiji fəlakət yaradanların qarşısını almağa
səlahiyyəti çatmırmış. Maraqlıdır belə olan halda Ekologiya və Təbii Sərvətlər
nazirliyinin başbilənləri, işbazların qanunsuz fəaliyyətinə niyə nəzarət edə
bilmir?
Aparılan araşdırmalar və faktlar göstərir ki, adıçəkilən nazirlik səlahiyyətliləri
baş verən özbaşınalığa nəzarət etmək istəmir. Əks təqdirdə insanların həyatı
onlar üçün önəm kəsb edərdi.
Goradil bağlarında torpaq və qumun istismar edilməsi, işbazlar tərəfindən bağ ərazilərinin
talanması və 5 metrə yaxın hektarlarla ərazinin qazılması və sadə vətəndaşların
mülklərinə yaranmış təhlükə ilə bağlı Ekologiya və Təbii Sərvətlər nazirliyinin
məsul şəxsi Aftandil müəllimə müraciət etdik. Aftandil müəllim Azadsoz.info –
ya bildirdi ki, Goradil bağlarında baş verənlərdən xəbərsizdir. Lakin faktlarla
bağlı araşdırmalara başlanılıb və əraziyə nazirliyin əməkdaşları göndərilib.
Nazirliyin səlahiyyətlisi saytın sorğularına cavab olaraq qeyd edib ki, belə
hallarla bağlı onlar polisə rəsmi müraciət edəcək.
Ərazidə yaşayan sakinlər isə sayta bildirib ki, Ekologiya və Təbii Sərvətlər
nazirliyinin əməkdaşları dəfələrlə ərazidə olublar. Amma onlar baş verən
qanunsuzluğu görmək istəməyiblər və işbazların özbaşınalığına şərait
yaradıblar.
Biz media qurumu olaraq son vaxtlar ETSN – nin fəaliyyətində yol verilən
nöqsanlar və nazir Hüseyn Bağırovun baş verənlərə laqeyd münasibətini
yazılarımızda qeyd edirik. Ola bilər ki, nazirliyin səlahiyyətli nümayəndələri
nazirə yalan məlumatlar ötürməklə məqsədlərinə həyata keçirmiş olsun. Lakin bu
hal belə Hüsey Bağırovun yaranmış fəlakətdə məsuliyyətini azaltmır. Nazir
olaraq vəzifəsindən sui istifadə edən əməkdaşlarını cəzalandırmaq səlahiyyətinin
ona məxsus olması, məlumatların yalan olub – olmamasında önəm daşımır. Çünki,
Hüseyn müəllim də bilir ki, yalanın ömrü qısa olur və şəxsi maraqlar faktların
gizlədilməsində önəmli rol oynayır.
Biz yenə ETSN rəhbərliyinə müraciət edərək Prezidentin tapşırıq və tövsiyyələrinə
sayğı göstərmələrini tələb edirik.
Mövzuya qayıdacağıq.
Adları çəkilən şəxs və qurumların mövqeyini işıqlandırmağa
hazırıq!