"Beşiktaş"dan bəyanat:"Fənərbaxça" ilə oyuna çıxmayacaqlar
"Beşiktaş” Türkiyə kubokunun yarımfinal mərhələsinin "Fənərbaxça” ilə cavab oyununa çıxmayacağı haqda bəyanat yayıb.
Qol.az-ın klubun saytına istinadən yaydığı xəbərə görə, İstanbul təmsilçisi Türkiyə Futbol Federasiyasının qalmaqallı matç haqda qərarına etiraz olaraq bu addımı atıb.
"Beşiktaş"ın bəyanatında deyilir: "Hər
zaman əməyi, hörməti və alın tərini ifadə edən 115 illik tariximiz ilə
"Beşiktaş”lılıq duruşu sərgiləyərək hüquqa zidd verilən bu qərara münasibətimimizi
görətəririk. Tək yolumuz mayın 3-də keçiriləcək oyuna çıxmamaqdır.
Bu qərarımızın böyük"Beşiktaş” azarkeşlərinin səsinin də eşitdirilməsi
baxımından ən ləyaqətli addım olacağına inanırıq".
Qeyd edək ki, Türkiyə Futbol Federasiyasıİstanbul derbisinin təxirə
salındığı 57-ci dəqiqədən etibarən, azarkeşsiz davam etdirilməsi haqda qərar
verib.
Xatırladaq ki, "Fənərbaxça" - "Beşiktaş" görüşünün 56-cı dəqiqəsində
hesab 0:0 ikən "Beşiktaş"ın ehtiyat qapıçısı Tolga Zenginlə "Fənərbaxça"lı
azarkeşlər arasında mübahisə düşüb. Bu zaman "qara qartallar"ın baş məşqçisi
Şenol Günəş vəziyyəti sakitləşdirməyə çalışıb. Həmin vaxt onun başına
tribunadan yad əşya atılıb. Bundan sonra meydandan kənarda gərginlik yaşanıb.
Baş verənlərə görə "Beşiktaş"ın baş məşqçisi və futbolçular paltardəyişmə
otağına gedib. Bundan sonra görüşün baş hakimi Mete Kalkavan oyunu yarımçıq
dayandırıb və paltardəyişmə otağına gedib. Hakim briqadası baş verənlərə görə
görüşün təxirə salınmasına qərar verib.