Ermənistanın üç parlament fraksiyası Paşinyanın baş nazir
vəzifəsinə namizədliyini irəli sürəcək
Ermənistan parlamentinin üç müxalif fraksiyası – "Elk", "Daşnaksütyun" və "Çarukyan" bloku müxalifət lideri Nikol Paşinyanın baş nazir vəzifəsinə namizədliyini irəli sürəcək.
"Report" TASS-a istinadən xəbər verir ki, bu barədə Paşinyan "Respublika" meydanında keçirilən mitinqdə bildirib.
"Parlament fraksiyaları: - "Elk", "Daşnaksütyun" və "Çarukyan" bloku sabah mənim baş nazir vəzifəsinə namizədliyimi irəli sürəcəklər. Respublikaçılar partiyası artıq mənim namizədliyimə səs verməyə hazır olduğunu bildirib", – deyə Paşinyan qeyd edib.
"Sabah biz parlamentdə fraksiyalarla işləyəcəyik, siz isə dincələcəksiniz", - deyə o, tərəfdarlarına müraciət edib.
Paşinyan qeyd edib ki, cümə axşamı vətəndaş itaətsizliyi aksiyası olmayacaq.
