"Qarabağ" Billiata yaxşı pul verəcək" -baş məşqçi
Xama Billiatın mövsümün sonunda "Qarabağ"a keçəcəyi ilə bağlı xəbərlər özünü doğrultmağa başlayır.
Qol.az-ın "sowetanlive.co.za" saytına istinadən yaydığı xəbərə görə, zimbabveli hücumçunun oynadığı "Mamelodi Sandaunz" klubunun baş məşqçisi Pitso Mosimane də futbolçunun Ağdam klubuna keçə biləcəyini bildirib:
"Yayılan söz-söhbətlər onun "Qarabağ"a keçəcəyindən xəbər verir. Eşitdiyimə görə, onlar Billiata yaxşı pul verəcəklər. Xama bizimlə müqaviləni yeniləmədiyi üçün onunla görüşüb söhbət etməli oldum. Açıq danışsaq, Billiat bizə 5 gözəl il bəxş etdi. Artıq onu buraxmağın vaxtı çatıb".
Qeyd edək ki, uzun müddətdi "Qarabağ"ın maraq dairəsində olan Billiatın yaxın zamanda Ağdam klubuna keçəcəyi gözlənilir.