Bir tütəkçinin həyat hekayəsi: "Mağazam yandı, ümid tütəyə qaldı”- VİDEO, FOTOLAR

 

Hamı kimi onun da iş günü erkən saatlarda başlayır. Hər gün "8-ci kilometr bazarı”nın qarşısındakı yeraltı piyada keçidinə gəlir, qarşısına bir köhnə çanta qoyaraq, ailəsini dolandırmaq üçün əl atdığı son çarəsinə, tütəyinə sarılıb çalmağa başlayır. Bu köhnə və sınıq tütəyin səsi alçaq tavanlı piyada keçidində əks-səda verərək yayılır, oradan keçən piyadaların fikrindən ayırıb, diqqətini bu sənətkara cəlb edir. O, qaynar iş gününün ortasında, yoldan keçənlərə musiqi sevgisi bəxş edir, əvəzində isə onlardan qəpik-quruş umur. Qarşısına qoyduğu çanta ailəsinin rüzi boğçasıdır. Onun ifasını bəyənənlər, sənətinə dəyər verənlər həmin qutuya bir neçə qəpik qoyub yollarına davam edirlər. Bəzən isə saatlarla etdiyi ifanın qarşılığında 10 qəpik belə görmür. Həmin gün evlərində açılacaq süfrəyə nələrin qoyulacağı isə bu çantaya yığılan qəpiklərin sayından asılıdır.

Bizim diqqətimizi çəkən də onun yanıqlı ifası oldu. Piyada keçidinin yaxınlığından keçən zaman "Sarı gəlin” mahnısının ifa edirdi. Bir anlıq ayaq saxlayıb bu gəncin kimliyi ilə maraqlandıq.

Söhbətimiz əsnasında bəlli oldu ki, bu gənc əslən Lerik rayonundan olan 1986-ci il təvəllüdlü Vaqif Mustafayevdir. Ailəlidir, iki usağı var. Yaşının elə də çox olmamasına rəğmən, oğlunun 14, qızının isə 11 yaşı var. Çünki Vaqif çox erkən yaşda ailə quraraq övlad sahibi olub.

Həmsöhbətim əvvəllər xırda ticarətlə məşğul olub ailəsini dolandırırmış. Sonra yanğın nəticəsində mağazası yanaraq külə dönüb və müflis olub. Ailəsini dolanışığını təmin etmək üçün uşaqlıqda maraq göstərdiyi sənətlə məşğul olmağa cəhd göstərib.

Dediyinə görə, uşaqlıq çağlarından bu sənətə maraq göstərib və özünün kustar üsulla hazırladığı tütəklə müxtəlif mahnıları öyrənməyə çalışır. Əsasən də, televiziya kanallarında gedən musiqili verilişlərə baxa-baxa notları öyrənib.

Vaqifin ən böyük arzusu isə normal maaşı olan bir işdə işləməkdir. Deyir ki, restoranlardan, şadlıq evlərindən təklif gəlsə, məmnuniyyətlə gedib işləməyə razı olar.

Maraqlı həmsöhbətimizi təqdim etdiyimiz videodan izləyə bilərsiniz.

 


Fotolar və video: Məğrur MƏRD


Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/domains/uluyol.info/public_html/index.php:300 Stack trace: #0 {main} thrown in /home/uluyol/domains/uluyol.info/public_html/index.php on line 300