Vladimir Jirinovski: "Ermənilər Paşinyana görə peşman olacaqlar..." - VİDEO » Ulu Yol Xəbər portalı

             Vladimir Jirinovski: "Ermənilər Paşinyana görə peşman olacaqlar..." - VİDEO

 

 "Ermənilər Paşinyanı hakimiyyətə gətirdiklərinə hələ peşman olacaqlar”.

Virtualaz.org xəbər verir ki, bunu Dövlət Dumasında verdiyi mətbuat konfransında Rusiya liberal-demokratlarının lideri Vladimir Jirinovski deyib.

Onun sözlərinə görə, inqilab istəyənlər anlamalıdır ki, ondan sonra həmişə əvvəlkindən daha pis olur.

"Paşinyan daha yaxşı etmək istəyir, lakin heç nə alınmayacaq. Blokadada olduğu bir vaxtda Ermənistan çiçəklənə bilməz. Öz ehtiyatları isə yoxdur”,- Jirinovski vurğulayıb.

Jirinovski bunu da bildirib ki, ABŞ və İsrail İrana qarşı müharibə hazırlayırlar. Onun fikrincə, İrana müdaxilədən sonra bu ölkə SSRİ tərzində altı dövlətə bölünəcək (1 ölkədən 15 ölkə).

 

"Ölkənin mərkəzi hissəsi indiki 80 milyon əhali əvəzinə 30 milyon əhali ilə Iran kimi qalacaq. Cənubda Bəlucistan olacaq. Qərbdə ərazilərin bir hissəsi ərəblərin əlinə keçəcək, şimal-qərbdə, hazırda İrana, İraq və Türkiyəyə daxil olan kürd torpaqlarında Kürdüstan yaradılacaq”, - Jirinovski bu barədə özünün "Telegram” hesabında yazıb.

O, dəqiqləşdirib ki, Ermənistan İranın parçalanmasına köməklik göstərsə, hazırda Türkiyədə olan Araratı və digər torpaqlarını geri alacaq. İrandan bir pay da Azərbaycana düşəcək. Şərqdə isə İran torpaqlarının hesabına Türkmənistan genişlənəcək.

"Əlbəttə, bu cür nəhəng torpaq bölgüsü Yaxın Şərqdə başqa dəyişikliklərə də səbəb olacaq. Pakistan və Əfqanıstanın ərazisində hər iki ölkədə mövcud olan şəhərin adına müvafiq olaraq Puştunistan yaradılacaq. Özbəkistanın və Tacikistanın sərhədləri də cənuba doğru genişlənəcək”, - Dövlət Dumasının deputatı bildirib.

O, qeyd etdiyi dəyişikləri xəritəyə də əlavə edib.

 


Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300