Qəzzada toqquşmalar nəticəsində 109 fələstinli xəsarət alıb
Bu gün Qəzza zolağı sərhədində İsrail hərbçiləri ilə fələstinlilər arasında baş verən toqquşmalar nəticəsində 100-dən çox fələstinli xəsarət alıb.
APA-nın məlumatına görə, bu barədə "RİA Novosti” agentliyinə Fələstin Səhiyyə Nazirliyinin nümayəndəsi Əşrəf əl-Kidra bildirib.
"Bü gün Qəzza zolağının şərq sərhədində 109 nəfər müxtəlif dərəcəli xəsarət alıb”, deyə Ə.əl-Kidra qeyd edib.
Martın 30-da fələstinlilər Qəzza zolağının sərhədində "Böyük Qayıdış Yürüşünə" başlayıb. İndiyədək İsrail hərbçiləri ilə toqquşmalarda 115 fələstinli ölüb, 13 mindən çoxu yaralanıb.
