Ərdoğana görə məşhur futbolçuya növbəti boykot
Türkiyə Prezidenti Rəcəb Tayyib Ərdoğanın Almaniya millisinin türk əsilli məşhur futbolçuları Məsud Özül və İlkay Gündoğanla görüşünə etirazlar davam edir.
Axar.az xəbər verir ki, ötən gün Səudiyyə Ərəbistanı ilə yoldaşlıq görüşünə çıxan Almaniya millisinin heyətində yer almış İ.Gündoğanı alman azarkeşlər boykot ediblər.
Yığmanın baş məşqçisi Yoham Löv isə azarkeşlərin bu hərəkətinə narazılığını bildirib. O, bu şəkildə davam edərsə, Almaniya millisinə zərər vuracaqlarını xatırladıb.
"Mən bilmirəm İlkay nə etməlidir. Bu hərəkətinizin heç kəsə faydası yoxdur", -deyə Löv vurğulayıb.
