Avropalı parlamentari: "Mən və qrupum Dağlıq
Qarabağa heç vaxt qanunsuz səfər etməyəcək"
"Mən qrupum və öz adımdan deyə bilərəm ki, Dağlıq Qarabağa heç vaxt qanunsuz səfər etməyəcəyik ".
APA-nın xəbərinə görə, bunu Avropada Mühafizəkarlar və İslahatçılar Alyansının prezidenti, Avropa Parlamentinin Beynəlxalq Ticarət Komitəsinin vitse-prezidenti Yan Zahradil jurnalistlərə açıqlamasında deyib.
O, bu məsələnin çox həssas olduğunu vurğulayıb: "Adətən bu cür vəziyyətləri cəmiyyətdə açıq danışmıram, çünki çox həssas məsələdir. Başa düşürəm ki, Azərbaycan hökuməti Avropa parlamentinin hər hansı bir üzvünün Dağlıq Qarabağa qanunsuz, Azərbaycan tərəfindən icazə almadan səfər etməsinə görə təəssüflənir və bunu yaxşı qarşılamır. Parlamentin hər bir üzvü nə istəyirsə, onu etməkdə sərbəstdir. Mən ancaq öz qrupum və öz adımdan deyə bilərəm ki, heç birimiz belə istəkdə deyilik və məhz mən belə şey etməyəcəm".
