Trampla aramızda ciddi fikir ayrılığı var -Merkel
ABŞ Prezidenti Donald Trampla aramızda nəzərə çarpacaq qədər fikir ayrılıqları var.
Uluyol.az axar.az-a istinadən xəbər verir ki, bunu
Almaniya kansleri Angela Merkel G7 zirvəsi zamanı keçirilən mətbuat
konfransında söyləyib. O, Donald Trampla birbaşa ünsiyyət qurmaq imkanına sahib
olmasını yüksək qiymətləndirib.
Merkel zirvədəki görüşlərdə gərgin müzakirələr aparıldığını və yekun hesabatı
gözlədiyini deyib:
"Burada ABŞ ilə Avropa Birliyi arasında fərqli fikirlər var. Bunları qiymətləndirməyə
qərar verdik, ancaq bu fərqlilik məsələsi həll edilməyib".
Rusiyanın G8-ə qatılma ehtimalı barədə danışan Merkel Minsk razılaşmasının müddəaları
tətbiq edildikdən sonra Rusiyanın dəyirmi masada yer ala biləcəyini bildirib.
