Polad Aslanovun hüquqlarının bərpası üçün adekvat addımlar atıldı
Vəkil Samir Zeynalov özünün facebooka səhifəsində Polad Aslanovun
Hüquqlarının Bərpası İstiqamətində Addekvat Addımlar Atıldığı haqqında məlumat
paylaşıb.Məlumatı olduğu kimi sizə təqdim edirik.
"İyul ayının 5-də, 19.04.2018-ci il tarixdə qeyri-qanuni olaraq hərbi xidmətə
aparılmış və hazırda səhhətində kifayət qədər problemlər olan jurnalist
Polad Aslanov-la bağlı Müdafə Nazirliyinin Tibb Baş İdarəsinin Rəisi
General-mayor Natiq Əliyevin rəsmi qəbulu həyata keçiriləcək.
Həmçinin analoji müraciət istiqamətində Cənab Nazir Zakir Həsənova, Şəxsi Heyyət
Baş İdarəsinin Rəisi Cənab Kərəm Vəliyevə şikayət məktubları göndərildi. Polad
Aslanovun ilkin olaraq hüquqlarının pozulmasında məsul olan Səfərbərlik və Hərbi
Xidmətə Çağırış Üzrə Dövlət Xidmətinin Nərimanov Rayon İdarəsi yaxın günlərdə məhkəməyə
veriləcək. İnanıram ki, Polad Aslanova qarşı gerçəkləşən qanunsuz faktlar
aradan qalxmaqla, geridə qalacaq reallığa obyektiv hüquqi qiymət veriləcək. Bir
daha qeyd edim ki, Polad Aslanov çəkisi 41 kg olmaqla, (ürək-damar) və həmçinin
"Kəskin Bronxit" xəstəliyindən əziyyət çəkir. Buna baxmayaraq o başqa
sağlam əsgərlər kimi mütəmadi olaraq xüsusilə idman hazırlığına cəlb edilir.
Polad Aslanovun Hüquqlarının Müdafiə Komitəsi.
İctimai Vəkil: Samir Zeynalov"
