Tramp: KXDR-də Amerika əleyhinə olan lövhələr küçələrdən yığışdırılıb
ABŞ prezidenti Donald Tramp bildirib ki, Şimali Koreya küçələrindən Amerika əleyhinə olan lövhələr yığışdırılıb.
"Report” xəbər verir ki, o bunu Cənubi Karolinada çıxışı zamanı deyib.
"Bu, o qədər də asan deyil. Lakin onlar bütün Şimali Koreya boyu Amerika əleyhinə olan lövhələri çıxardıblar", - deyə "Raw Story" onun sözlərini sitat gətirib.
Bildirilir ki, Amerika prezidenti KXDR lideri Kim Çen Inı tərifləyib və bir daha bildirib ki, onların arasında yaxşı münasibətlər var.