Türkiyə parlamentində andiçmə keçirilib

 

İyunun 24-də ümumi seçkilərdə seçilmiş Türkiyə Böyük Millət Məclisinin deputatları ilk iclasda and içdilər.

Trend-in məlumatına görə, ənənəyə uyğun olaraq, toplantıya ən yaşlı millət vəkili, "Yaxşı Partiya"nın üzvü Durmuş Yılmaz başçılıq etdi. Parlament sessiyasının açılışına Türkiyə prezidenti Rəcəb Tayyib Ərdoğan da qatıldı. Seçilmiş 600 məclis üzvündən hər biri andın mətnini oxudu.

İqtidar Ədalət və İnkişaf Partiyasından spiker vəzifəsinə baş nazir Binali Yıldırımın namizədliyi irəli sürüldü. Xatırladaq ki, Türkiyənin prezident siyasi sisteminə keçidi ilə əlaqədar olaraq baş nazir vəzifəsi ləğv olunur. Spikerin seçilməsi parlamentin 12 iyul tarixində keçiriləcək növbəti toplantısında gözlənilir.

Xatırladaq ki, Türkiyə Mərkəzi Seçki Komissiyası ölkədə iyunun 24-də keçirilmiş prezident və parlament seçkilərinin yekun nəticələrinə əsasən, Ədalət və İnkişaf Partiyası (AKP) 42,56 faiz, Milliyətçi Hərəkat Partiyası (MHP) 11,1 faiz, Cümhuriyyət Xalq Partiyası (CHP) 22,65 faiz, İYİ partiya 9,96 faiz, Xalq Demokratik Partiyası (HDP) 11,7 faiz, Səadət Partiyası (SP) 1,23 faiz, Vətən Partiyası (VP) 0,23 faiz səs toplayıb.

Beləliklə, parlamentdə AKP 295, MHP 49, CHP 146, İYİ partiyası 43, HDP 67 millət vəkili ilə təmsil olunacaq. SP və VP parlamentdə təmsil olunmayacaq.

Prezident seçkilərinə gəldikdə isə Rəcəb Tayyib Ərdoğan 52,59 faiz, Muharrem İncə 30,64 faiz, Meral Akşener 7,29 faiz, Səlahəddin Demirtaş 8,4 faiz, Təməl Karamollaoğlu 0,89 faiz, Doğu Perinçek 0,2 faiz səs toplayıb.

Qeyd edək ki, R.T.Ərdoğanın andiçmə mərasimi iyulun 9-da keçiriləcək.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300