Adnan Oktarın Azərbaycandakı tərəfdarları da həbs oluna
bilər -Səfir
Bu gün Türkiyənin Azərbaycandakı səfirliyində 15 iyul dövlət çevrilişinin 2 illiyi ilə əlaqədar mətbuat konfransı keçirilib.
Yenicag.az xəbər verir ki, Türkiyənin Azərbaycandakı səfiri Erkan Özoral 2 gün öncə Türkiyədə həbs olunan Adnan Oktarın Azərbaycandakı üzvlərinə qarşı da əməliyyat aparıla biləcəyini bildirib.
Səfir qeyd edib ki, hazırda məhkəmə prosesi davam edir, konkret qərar yoxdur:
"Araşdırmaların nəticəsindən asılı olaraq bu proses Azərbaycan və digər ölkələrdə də aparılacaq. Hesab edirəm ki, FETÖ-yə qarşı mübarizədə olduğu kimi, Adnan Oktarla bağlı məsələ də qarşılıqlı olaraq həll olunacaq. Türkiyə dövlətinə qarşı hər bir təhdiddə Azərbaycan dövləti yanımızda olub, bundan sonra da olacağına inanırıq”.
Səxavət Məmməd, yenicag.az
