ABŞ-ın ən məşhur birinci xanımı dünyasını dəyişdi
ABŞ-ın 40-cı prezidenti Ronald Reyqanın həyat yoldaşı Nensi Reyqan dünyasını dəyişib.
 
Axşam.az xarici mətbuata istinadən xəbər verir ki, siyasətçinin xanımı Los-Ancelesdəki evində 94 yaşında həyatla vidalaşıb. Nensinin ölümünə səbəb ürək çatışmazlığı olub. 

Xatırladaq ki, Nensi Reyqan 1981-1989-cu illərdə ABŞ-ın birinci xanımı olub. O, aparılmış sorğunun nəticələrinə əsasən, ölkənin indiyədək ən məşhur birinci xanımı seçilib. Nensi ilə Ronald 1952-ci ildə ailə qurublar. Həmin vaxt R.Reyqan Aktyorlar Gildiyasının rəhbəri, Nensi isə "Nensi Devis” adıyla Hollivudun məşhur kino aktrisası idi. Onun 11 filmi var. Nensi ilə Ronaldın bir qızı, bir oğlu dünyaya gəlib. 

Cütlüyün münasibəti bu günədək daim mətbuatın diqqətində olan XX əsrin ən məşhur sevgi hekayələrindən biri adlanır. R.Reyqan müsahibələrinin birində "Bəzən mənə elə gəlir ki, həyatım Nensi ilə tanışlıqdan sonra başlayıb” deyib. 

Qeyd edək ki, Nensi Reyqanı Kaliforniyada Ronald Reyqanın Prezident kitabxanası yerləşən ərazidə - ərinin yanında dəfn edəcəklər. Ronald özü 10 il Alzaymer xəstəliyindən sonra 2004-cü ildə dünyadan köçüb. Onun ölümündən sonra Nensi bu xəstəlikdən əziyyət çəkənlərə yardım üçün tədqiqatlara kömək məqsədilə fəal şəkildə ictimai işlərlə məşğul olub.





Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/domains/uluyol.info/public_html/index.php:300 Stack trace: #0 {main} thrown in /home/uluyol/domains/uluyol.info/public_html/index.php on line 300