"Fənərbaxça”nın müdafiəçisi Gökhan Gönüllə bağlı mətbuatda iddialar yayılıb.
Lent.az-ın Türkiyə mediasına istinadən məlumatına görə, 31 yaşlı milli futbolçuda doping aşkarlanıb.
Belə ki, fevralın 29-da keçirilmiş "Fənərbaxça” – "Beşiktaş” matçından sonra Gökhan Gönül dopinq testdən keçib. Onun qanında istifadəsi qadağan olunan maddələr çıxıb.
Bildirilir ki, derbidən öncə təcrübəli futbolçu ağrıkəsici iynənin köməyi forma geyinib.
Qeyd edilib ki, bu maddələr qüvvətverici maddələr deyil, sadəcə ağrı kəsici maddələr olub. Bu maddələri istifadə etməzdən əvvəl TFF-yə məlumat verilməlidir. Əgər edilmədiyi təqdirdə futbolçunun 2 il müddətə futboldan uzaqlaşdırılacaq.
Bu gün "Fənərbaxça” klubu rəsmi saytında bununla bağlı məlumat yayıb. Məlumatda qeyd edilib ki, Gökhan Gönülün müalicəsi ilə bağlı bütün sənəd, resept və analizlər Türkiyə Futbol Federasiyasına göndərilib.