Bu gün AXCP-nin Şəki şəhər təşkilatı keçmiş siyasi məhbus və AXCP Rəyasət Heyətinin sabiq üzvü Sahib Kərimlinin partiyadan çıxarılması məsələsini müzakirəyə qoyub. "Basta” əməkdaşının Sahib Kərimlidən aldığı məlumata görə, onun partiyadan çıxarılması təklifi iclasda yetərincə səs yığmadığına görə gündəliyə salınmayıb.

 
Bundan öncə Sahib Kərimli mətbuatda "Sentyabrın 18-də Müsavatın mitinqi olacağı bəlli idi, bundan bir gün əvvələ mitinq təyin etmək nə dərəcədə doğrudur” sualını verdiyinə görə Milli Şuradan çıxarılıb.

AXCP sədrinin müavini Gözəl Bayramlı Sahib Kərimlinin partiyadan da çıxarılacağını bildirmişdi. "Hər halda, bu barədə qərar partiyanın Şəki rayon şöbəsində veriləcək”, – Gözəl Bayramlı APA-ya açıqlamasında deyib. Lakin AXCP Şəki təşkilatı partiya rəhbərliyinin arzusunu yerinə yetirməyib.

Sahib Kərimli AXCP rəhbərliyini tolerant olmağa çağırıb.

 
"Bu gün AXCP Şəki rayon şöbəsinin Məclisi toplandı, məlum müzakirələr oldu… Məsələnin gündəliyə salınması tərəfdarı olan dostlarla, rayon şöbəsini bu məsələyə qatılmasının tərəfdarı olmayan dostlar bərabər sayda idilər. İradlarını dinlədiyim dostlara söz verdim ki, sağlam tənqidlə, qərəzli gözdənsalmanın arasındakı məsafəni tamamilə uzaqlaşdıracam.Partiya rəhbərliyindən də xahiş edirəm ki, Şəki cəbhəçiləri kimi demokrat və tolerant olsunlar”,- Sahib Kərimli özünün feysbuk səhifəsində yazıb.
 
"İradlar ola bilər, haqlı və ya haqsız. Dinləmək isə, olduqca vacibdir. Milli Şura rəhbərliyi dinləmədən qərar verir, dinləmək demokrat mədəniyyətidir. Partiyadan çıxarılmamı israrla istəyən rəhbərlik belə qənaətə gəlsə, Rəyasət Heyətində dinlədikdən sonra qərar versin”, – Sahib Kərimli əlavə edib.

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/domains/uluyol.info/public_html/index.php:300 Stack trace: #0 {main} thrown in /home/uluyol/domains/uluyol.info/public_html/index.php on line 300