"Mən taleyimdən razıyam, çünki məni həm gənclər, həm də yaşlılar qəbul edir. Elə bir adam yoxdur ki, film çəkəndə mənim kabinetimdə olmasın, mənimlə ünsiyyət saxlamasın".
Bu sözləri "Əhməd haradadır" filmindəki sürücü Əhməd kimi tanınan aktyor, rejissor Elxan Qasımov musavat.com-a açıqlamasında bildirib. Elxan Qasımov çəkilən son filmlərə də öz münasibətini bildirib:
"Azərbaycan kinosu həmişə maarifçi, əxlaqlı filmlər olub. "Azərbaycanfilm" studiyası dünya kinosunda mühüm yer tutmasa da amma həmişə milli dəyərlərimizi təbliğ etməklə məşğul oub. Yəni fikirlər ancaq maarifləndirici, müsbət yöndə olub. İndi də bu davam edir. Hər dövrün, zamanın başqa dəyərləri var. Bəzən "Azərbaycanfilm" studiyasında çəkilən filmləri özəl filmlərlə səhv salırlar. Amma axırı yaxşı olacaq.
Mənim də nə vaxtsa Azərbaycan filmi üçün nə etmişəmsə unudulmur, yaddan çxımır. Buna görə mən kino taleyimdən razıyam”.
Xalidə Gəray, musavat.com
