Müsavat Partiyası başqanı Arif Hacılı  "facebook" sosial şəbəkəsində son olaylara toxundu.Statusu Uluyol.info xəbər portalı olaraq oxucularımıza təqdim edirik:

"Cəmiyyətin toparlanmasını təmin edəcək strukturlar dağıdılıb.

Əmək kollektivlərini aradan qaldırmaq üçün fabrik və zavodlar məhv edilib. 
Səlahiyyətsiz, real ərazi prinsiplərinə cavab verməyən bələdiyyələr yaratmaq yolu ilə özünüidarə sistemi sıradan çıxarılıb.

Həmkarlar İttifaqlaları yoxdur.

Seçkili yerli və ümumrespublika qurumlarının xalqın iradəsinə uyğun yaradılmasının qarşısı alınıb. Bu qurumlar əsasən xalqın nifrət etdiyi və ya tanımadığı adamlardan tərtib edilib. Bununla da seçkili orqanların nəinki xalqın iradəsinin ifadəçisi olmasının qarşısı alınıb, həm də bu qurumların xalqla qarşıdurma vəziyyətində olması təmin edilib.

Real İctimai təşkilatlar, müstəqil KİV əsasən sıradan çıxarılıb. 
Ölkə siyasi məhbusların sayına görə dünyada lider ölkədir.
Siyasi Partiyaların fəaliyyət imkanları maksimium məhdudlaşdırılıb.

Yəni hakimiyyət cəmiyyəti basqı altında saxlamaq üçün uzun illər məqsədyönlü iş aparıb. İndi cəmiyyətin öz haqları uğrunda toparlana bilməməsinin əsas səbəbləri bunlardır.

Amma bu o demək deyil ki, cəmiyyət toparlana bilməyəcək. 70 il sovet hökumətinin buna bənzər siyasətindən sonra xalqımız qısa müddətdə toparlana bildi. 1989- ci ildə dünya üzrə ilin xalqı elan edildi.

Ölkədə yaranmış indiki vəziyyətdə hakimiyyətin iki yolu var. Ya dərhal siyasi məhbusları azadlığa buraxmalı, ciddi siyasi və iqtisadi islahatlara başlamalı xarici siyasətini müasir dövrdə Azərbaycanın mənafelərinə uyğun, birmənalı olaraq müəyyənləşdirməli, ya da daha ciddi repressiyalara əl ataraq illər uzunu apardığı siyasəti davam etdirməlidir.

Mən hakimiyyətə birinci yolu tutmağı tövsiyyə edirəm. İkinci yol tutularsa ölkəmiz kataklizmlərdən yayına bilməyəcək. Xalqımız 2016 - cı ildə yenidən dünya üzrə ilin xalqı olmaq imkanı əldə edəcək."

 

 ULUYOL.İNFO


Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/domains/uluyol.info/public_html/index.php:300 Stack trace: #0 {main} thrown in /home/uluyol/domains/uluyol.info/public_html/index.php on line 300