Türkiyə təhlükəsizlik qüvvələri son bir həftədə terror təşkilatlarına qarşı 253 əməliyyat keçiriblər.
Bu barədə Türkiyə Daxili İşlər Nazirliyi məlumat yayıb.
Qeyd olunub ki, əməliyyatlarda terror təşkilatının 3 üzvü ölü, 4-ü sağ ələ keçirilib. Eyni zamanda 2 terrorçu təslim olub.
PKK-ya maddi köməklik və vasitəçilik etmək iddiası ilə saxlanılan 344 nəfərin 36-sı, FETÖ ilə bağlı saxlanılan 627 nəfərdən 406-sı həbs olunub. İŞİD terror təşkilatı ilə əlaqəli olduğu şübhəli bilinən 129 nəfər də həbs edilib.
