İCRA HAKİMIYYƏTİNİN SAXTA SƏRƏNCAM VERMƏSİ SAHİBKARI 700 MİN DOLLAR ZİYANA SALIB

 

Dünən axşam saatlarında Xətai rayonu M.Hadi küçəsində "Azərsu” əməkdaşları ilə sakinlər arasında insident baş verib.

 

BakiPost.az xəbər verir ki, insidentə səbəb qurumun əməkdaşlarının qeyd olunan ünvanda tikilən qeyri-yaşayış obyektini sökmək istəməsi olub. Məlum olub ki, obyektin altından böyük ölçülü su borusu keçir, buna görə də tikinti dərhal sökülməlidir.

 

Obyekt sahibi Cəlilov Əli Fəxrəddin oğlu isə tikinti üçün İcra Hakimiyyətinin sərəncam verdiyini və bütün aidiyyəti qurumlardan icazə aldığını bildirib: "İki ildir burada tikintiyə başlamışam. Hər dəfə bir qurum gəlib, tikintini dayandırıb, sökdürüb. Nə tələb olunubsa, onu etmişəm, nə sənəd istəyiblər düzəltmişəm. Axırda da İcra başçısının sərəncamını almışam. Bu iki il ərzində obyektə 700 min dollar pul xərcləmişik. Amma bu gün həmin obyekti 500 min manata satmaq mümkün deyil. Dövlət qurumlarının qanunsuz müdaxilələri bizim külli miqdarda pul itirməyimizə gətirib çıxarıb. Bütün orqanlardan razılıq alandan sonra indi gəlib "Azərsu” deyir ki, guya, bu obyektin altından böyük su borusu keçir. Ay qardaş, bunu mən hardan bilə bilərəm? Əgər belə bir şey olsaydı, FHN icazə verməzdi, icra başçısı Razim Məmmədov tikintiyə sərəncam imzalamazdı. İkinci, əgər belə bir hal var idisə, bu iki il ərzində niyə gəlib xəbərdar etməmisiniz? Gözləyirdiniz ki, mən bu qədər pul töküm sonra gəlib sökəsiz?”

 

Obyekt sahibi "Azərsu” əməkdaşlarından məhkəmə sənədi tələb edib. Lakin məlum olub ki, belə bir sənəd yoxdur.

 

"Tikintinin hansı əsasla söküldüyü və niyə məhkəmə qərarı olmadan həyata keçirilir” sualına - sökünütünü aparan "Azərsu” işçi qrupunun özünü təqdim etməyən rəhbəri ''biz heç nə bilmirik, əmri icra edirik və başqa məlumat verə bilmərik'' cavabını verib.

 

"Tikintiyə başlanan zaman niyə xəbərdarlıq etməmisiniz” sualına isə cavabı belə olub: ''O bizim problem deyil''.

 

Hazırda tikinti dayandırılıb, lakin obyekt sahibi söküntünün başlamasına icazə vermir...

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/domains/uluyol.info/public_html/index.php:300 Stack trace: #0 {main} thrown in /home/uluyol/domains/uluyol.info/public_html/index.php on line 300