Siyəzəndə daha bir maraqlı hadisə baş verib
ARB Şimal xəbər verir ki, Siyəzən sakini Cavid Yəhyayev 5
ildir ki, müxtəlif tullanıtılardan maraqlı əl işəri hazırlayır. O, bu işə ilk
olaraq lazımsız təkərlərdən fiqurlar düzəltməklə başlayıb. Artıq 3 aydır ki,
şirə qutularını da toplayır və onlardan qeyri-adi fiqurlar hazırlayır.
Bir fiqurun hazırlanmasına təxminən 2-3 saat vaxt sərf edir. Əl işlərini düzəltməkdə
əsas məqsədi tullantıların sayını azaltmaq və onlardan faydalı istifadə etməyin
mümkünlüyünü göstərməkdir. Cavid Yəhyayevin sözlərinə görə bu sənəti öyrənmək
istəyənlər də az deyil.
Cavid Yəhyayev ərsəyə gətirdiyi fiqurlarla IV Beynəlxalq "Tullantıdan Sənətə” sərgisində
də iştirak edib. Əl işləri sərgi iştirakçıları tərəfindən maraqla qarşılanıb.
Hazırda sənətkar taxtadan düzəldilən və küləklə hərəkət edən fiqurlar üzərində
çalışır. O, gələcəkdə bu sənəti genişləndirmək və kiçik biznes qurmaq niyyətindədir.