Azərbaycan Xalq Cümhuriyyətinin banisi, Müsavat Partiyasının ilk başqanı Məhəmməd Əmin Rəsulzadənin vəfatından 62 il ötdü. Məhəmməd Əmin Rəsulzadə 6 mart 1955-ci ildə Ankara şəhərində üç dəfə Azərbaycan deyərək, vətən həsrətiylə dünyaya gözlərini yumub.
Almaniyanın "Qurtuluş” radiosu Məhəmməd Əmin Rəsulzadənin ölüm xəbərini dünyaya belə yayırdı: "Azərbaycan Milli Qurtuluş Hərəkatının və Müsavat Partiyasının lideri Məhəmməd Əmin Rəsulzadə mart ayının 6-da Türkiyənin paytaxtı Ankarada 71 yaşında vəfat etmişdir… Bu, sadəcə bizim üçün deyil, eyni zamanda Kremlin məhkumu bütün millətlər və o cümlədən Qafqaz xalqları və xüsusilə sovetlər birliyində yaşayan bütün müsəlmanlar üçün böyük bir itkidir”…