Seçkidən əvvəl keçirilən rəy sorğusunun nəticələrinə əsasən, Gert Vildersin partiyası liderdir
Niderland krallığında parlament seçkiləri başlayıb.
"Report” BBC-yə istinadən xəbər verir ki, parlamentdəki
150 yer uğurunda 28 siyasi partiya mübarizə aparır.
İnformasiyaya əsasən, əsas rəqabətin sağ liberal yönlü, hazırkı baş nazir Mark
Rüttenin "Azadlıq və Demokratiya uğrunda Xalq Partiyası” ilə Gert Vildersin
ifrat sağ yönlü "Azadlıq Partiyası” arasında olacağı gözlənilir.
Siyasi müşahidəçilərin fikrincə, səsvermə ölkə vətəndaşlarının milliyyətçi hissinin yoxlanması və populizmin Niderlandda möhkəmlənməsinin göstəricisi olacaq.
Məlumata görə, seçkidən əvvəl keçirilən rəy sorğusunun nəticələrinə əsasən, Vildersin partiyası liderdir.
