Ermənistandan Avropaya uçan təyyarədə radioaktiv maddə aşkar edilib. Uluyol.info istipress-ə istinadən xəbər verir ki, bunu Belarus prezidenti Aleksandr Lukaşenko deyib. Maddə Belarusdan tranzit olaraq keçən təyyarənin göyərtəsində aşkar edilib.
Lukaşenko bu barədə "Qərb- 2017" təlimlərinin təşkili ilə bağlı keçirilən iclasında deyib.
Prezident təyyarənin hansı ölkəyə uçduğunu, hadisənin detallarını açıqlamayıb. İnsidentin nə zaman baş verdiyi də bilinmir.
Lukaşenko iclasda dövlət sərhəddində baş verən qanunsuzluqlardan danışarkən bunu deyib. "Xahiş edirəm ki, bütün bu insidentlərlə bağlı aparılan araşdırmaların nəticələri barədə mənə hesabat verəsiniz. Bütün bunlar bir daha göstərir ki, biz rahatlaşa bilmərik. Ayıq-sayıq olmalı və ölkəmizdəki stabilliyin pozulmasına imkan verməməliyik".
