Cənab Prezident, məni girov götürənlər Elçin Quliyevin
adamları olduqlarını dilə gətirdilər
Suraxanı rayon, Hövsan qəsəbəsinin sakini Nuriyev Hüseyn Rəsul oğlu Sərhəd
Qoşunlarının komandanı general-polkovnik Elçin Quliyevin adamları tərəfindən
girov götürülərək, işgəncələrə məruz qalması ilə bağlı Prezident İlham Əliyevə
şikayət məktubu ünvanlayıb. Həmin məktubun bir nüsxəsini Xalqxeber.Az xəbər
portalının redaksiyasına göndərib. Məktubu olduğu kimi dərc edirik:
Hörmətli cənab Prezident! Bu ərizəmlə Sizə yazıb məlum edirəm ki, mənim əvvəllər
tanıdığım Azərbaycan Respublikası Dövlət Sərhəd Xidmətinin Binə Atçılıq Mərkəzində
işləyən Hikmət Musayev (tel: 055-866-09-24) və Rəşad Səmədov (tel:
070-274-50-51) adlı şəxslərdən 3500 ( üç min beş yüz ) manat məbləğində faizlə
bir həftəlik borc pul almışdım.
Sonradan mən söz verdiyim kimi bir həftə müddətinə 3500 manat pulu faizlə,
birlikdə qaytara bilmədim. 3 aya qədər olan müddətdə həmin borc aldığım pulu
faizi ilə birlikdə qaytardım. 2015-ci ildən bu günə kimi həmin yuxarıda adını
qeyd etdiyim şəxslər məndən hədə-qorxu gəlməklə "Vinçester" silahı və
bıçaq çıxarmaqla, məni hər dəfə qorxutmaqla, məni və idarə etdiyim
"BMW" markalı avtomobilimi girov götürərək, aparıb Binə Atçılıq Mərkəzinə
aparmışlar. Orada məni atların tövləsində saxlamaqla General-polkovnik Elçin
Quliyevin adından istifadə edərək, mənə sən hara şikayət etsəndə bizə heç kim,
heçnə edə bilməz deməklə hədə-qorxu gələrək, ümumilikdə 23000 ( iyirmi üç min )
manat pulumu almışdırlar. Mənim idarə etdiyim maşın, Elçin Quliyevin adamları tərəfindən
qanunsuz olaraq, girovda saxlanılmışdır. Həmin müddətdə Binə Atçılıq Mərkəzində
girovda olduğu üçün VİP lizinq şirkətinin işçiləri maşın kreditdə olduğu üçün mənim
maşınımı Binə Atçılıq Mərkəzindən "reket"lərin əlindən çox çətinliklə
ala bilmişlər. Xüsusilə qeyd edim ki, VİP lizinq şirkətinin əməkdaşları baş verən
olaya şahiddirlər. Yuxarıda adlarını çəkdiyim şəxslər bu günə qədər məndən yenə
də hədə-qorxu ilə pul tələb etməkdə davam edirlər. Hədə-qorxu olunmağım barəsində
hüquq-mühafizə orqanlarına məktub ünvanlamışam. Lakin hələ heç bir müsbət nəticə
ala bilməmişəm.
Cənab Prezident! Sizdən xahiş edirəm mənim həyat təhlükəsizliyimi təminat
altına alasınız və general Elçin Quliyevin adından istifadə edən şəxslər barəsində
ciddi şəkildə ölçü götürülməsi üçün xüsusi tapşırıq verəsiniz. İnanıram ki,
Sizin diqqətiniz sayəsində mənim həyat təhlükəsizliyim qorunacaq və müraciətim
müsbət nəticə verəcək. Burada yazdıqlarım həmin şəxslər tərəfindən başıma
açılan oyunların bir qismidir. Sizə yalvarıram mənə kömək edin və məni qoruyun.
Hörmətlə: Nuriyev Hüseyn Rəsul oğlu
055-211-79-21
Ulu Yol Xəbər portalı » Hadisə » General Elçin Quliyevin adamları vətəndaşı ölümlə təhdid edib, girov götürdülər
Xəbər lentİ
Yazarlar
Müstəmləkə cinayətlərinə rəğmən müstəqillik əzmini itirməyən Əlcəzair - TƏHLİL
/
1-11-2022, 21:12
/