Xanım İsmayılqızı


Müəllimimiz yarıac,
Yarıtox ağıl öyrədir.
Mühəndisimiz ev tikir,
Komada haqqı çeynədir.
Biz gələcəyə gedirik...


Alimimiz kəşflərini
Yamayıb üst-üstə qoyur.
Yazıçımız kirayədə
Ürəyin fikrini soyur.
Biz gələcəyə gedirik...


Həkimimiz ov axtarır,
Şikarı gözündən vurur.
Siyasətçimiz dil üstə
Möhtəşəm inamlar qurur.
Biz gələcəyə gedirik...


Fəhləmiz külüngü çalır,
Ələ qəpik-quruş düşür.
Ziyalımız öndə gedir,
Olmayacaqla bölüşür.
Biz gələcəyə gedirik...


Körpələrimiz istəklə
Əlçatmaz arzunu əzir.
Qocalarımız sürünür,
Yatmağa bir qəbir gəzir.
Biz gələcəyə gedirik...


Torpaqların gözü yolda,
Ocaqları qan ağlayır.
Qaçqınları, köçkünləri,
Heç nəyə ümid bağlayır.
Biz gələcəyə gedirik...


Aparıcımız efirdə
Şüar deyir, meydan alır.
Xanəndəmiz muğam üstə
Öz dəfinə çırtma çalır.
Biz gələcəyə gedirik...


Çarəsizlər çarəsini,
Ruhsuzlar ruhunu gəzir.
Vicdansızlar, insafsızlar,
Allahsızlar kölə, əsir.
Biz gələcəyə gedirik...


Adamların üz-gözündən
Sevinci qeybə çəkilib.
Belə dövranın əlində
Çoxunun evi tikilib.
Biz gələcəyə gedirik...

 

(27 mart 2017)

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/domains/uluyol.info/public_html/index.php:300 Stack trace: #0 {main} thrown in /home/uluyol/domains/uluyol.info/public_html/index.php on line 300