Türkiyə Milli Təhlükəsizlik Şurası ölkədə fövqəladə vəziyyət
rejimini daha 3 ay müddətinə uzatmağı tövsiyə edib.
APA-nın məlumatına görə, bu barədə Şuranın iclasının yekunları ilə bağlı
yayılan açıqlamada bildirilir.
Hazırda qüvvədə olan fövqəladə vəziyyət rejimi aprelin 19-da başa çatır. Ölkədə
fövqəladə vəziyyət rejimi ötən ilin iyulunda çevrilişə cəhddən sonra tətbiq
edilib.
Bundan əvvəl Türkiyənin baş naziri Binali Yıldırım böyük ehtimalla fövqəladə
rejimin iyuladək qüvvədə qalacağını bildirib.
